us ke ba.ad aglī qayāmat kyā hai kis ko hosh hai

zaḳhm sahlātā thā aur ab daaġh dikhlātā huuñ maiñ

us ke baad agli qayamat kya hai kis ko hosh hai

zaKHm sahlata tha aur ab dagh dikhlata hun main

ye din aur raat kis jānib uḌe jaate haiñ sadiyoñ se

kahīñ rukte to maiñ bhī shāmil-e-parvāz ho saktā

ye din aur raat kis jaanib uDe jate hain sadiyon se

kahin rukte to main bhi shamil-e-parwaz ho sakta

apnī sī ḳhaak uḌā ke baiTh rahe

apnā sā qāfila banāte hue

apni si KHak uDa ke baiTh rahe

apna sa qafila banate hue

ik zamāne tak badan be-ḳhvāb be-ādāb the

phir achānak apnī uryānī kā andāza huā

ek zamane tak badan be-KHwab be-adab the

phir achanak apni uryani ka andaza hua

harf ke āvāza-e-āḳhir ko kar detā huuñ nazm

sher kyā kahtā huuñ ḳhāmoshī ko phailtā huuñ maiñ

harf ke aawaza-e-aKHir ko kar deta hun nazm

sher kya kahta hun KHamoshi ko phailta hun main

ab khulā ḳhvāb meñ kuchh ḳhvāb milātā thā maiñ

ḳhaak uḌātā thā maiñ sayyāroñ kī sayyāroñ par

ab khula KHwab mein kuchh KHwab milata tha main

KHak uData tha main sayyaron ki sayyaron par

lahū ke kināre bhī zad par haiñ donoñ

ye kyā zaḳhm hai mundamil hone vaalā

lahu ke kinare bhi zad par hain donon

ye kya zaKHm hai mundamil hone wala