Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "aab-dozo.n"

نظم کے متعلقہ نتیجہ "aab-dozo.n"

نظم

یہ سب غم پرانے
یہ ملنے بچھڑنے کے موسم پرانے
پرانے غموں سے
نئے غم الجھنے چلے ہیں
لبوں پر نئے نیل
دل میں نئے پیچ پڑنے لگے ہیں
غنیم آسمانوں میں
دشمن جہازوں کی سرگوشیاں ہیں
ستاروں کی جلتی ہوئی بستیاں ہیں
اور آنکھوں کے رادار پر
صرف تاریک پرچھائیاں ہیں
ہمیں موت کی تیز خوشبو نے پاگل کیا ہے
امیدوں کی سرخ آب دوزوں میں سہمے
تباہی کے کالے سمندر میں
بہتے چلے جا رہے ہیں
کراں تا کراں
ایک گاڑھا کسیلا دھواں ہے
زمیں تیری مٹی کا جادو کہاں ہے

ساقی فاروقی
نظم

وہ اب بھی سمندر میں
اٹھلاتی سطحوں کے نیلے بہاؤ میں
اپنے الاؤ میں
قصر زمرد میں تنہا بھٹکتی ہے
اک با آہ آب‌ و آتش میں
رنگوں کی بارش میں
اب بھی وہ زلفیں جھٹکتی ہے
تو عود و عنبر کی مہکار آتی ہے
قطرات اڑ کر
دہن کتنے گھونگوں کا بھرتے ہیں
اس کی جھلک دیکھنے کے لئے
آج بھی لوگ مرتے ہیں
اب بھی یہاں کشتیوں آب دوزوں
جہازوں کے عرشوں پہ
اس کی ہی باتیں ہیں
دنیا کے سیاح
ساتوں سمندر کے ملاح
اس کے نہ ہونے پہ
ہونے پہ تکرار کرتے ہیں
اس کی کشش میں
بہت دور کے پانیوں میں
سفر کے لئے
خود کو تیار کرتے ہیں

رفیق سندیلوی
نظم

کھیلنے آئے دونوں کرکٹ بندر ہاتھی
ان کے پیچھے تھے جنگل کے سارے ساتھی
کیپٹن تھا اک ٹیم کا ہاتھی مست قلندر
دوسری ٹیم کا کیپٹن بن بیٹھا تھا بندر
بندر یہ تھے قسمت والے جیتے ٹاس
فوراً چیتے کو بلوایا اپنے پاس
اوپن کرنے اک جانب سے آیا شیر
جوش میں آ کر لگایا اس نے رنوں کا ڈھیر
اک اوور میں بنا گیا وہ سولہ رن
سترہ گیندوں میں رن اس کے ستاون
اس پاری میں دھوم دھڑکا مچا گیا وہ
چائے سے پہلے ڈبل سینچری بنا گیا وہ
دیکھ کے اپنی ٹیم کی درگت ہاتھی چونکا
خود کرنے بالنگ کور سے آیا دوڑا
پہلی بال ہی چیتے کے اسٹمپ کو مارا
دوسری بال میں شیر ڈریسنگ روم سدھارا
تیسری بال پہ سانبھر جی نے کیچ دیا
چوتھی بال پہ ریچھ بچارا بولڈ ہوا
اک اوور میں چار وکٹ تھے زیرو رن
ہاتھی نے رکارڈ بنا ڈالا اے ون
ایک اننگ میں آٹھ وکٹ کیپر کے کیچ
ننھا سا خرگوش ہوا مین آف دی میچ
دو سو بیس پہ بندر جی کی ٹیم آل آؤٹ
پہلے روز مچھندر جی کی ٹیم آل آؤٹ
دوسرے دن ہاتھی کے اترے بلے باز
بلے بازی میں لیکن نہ تھے ممتاز
بندر جی نے فالو آن کی شیخی ماری
سوچا ختم کریں گے ان کی جلدی پاری
ہاتھی آیا دو ساتھی آؤٹ ہونے پر
وہ چکرایا اپنی دو وکٹیں کھونے پر
ہاتھی کے آنے سے پاری سنبھل گئی تھی
ویسے بھی اب پچ کی حالت بدل گئی تھی
ہاتھی آیا چوکے چھکے مارا خوب
بندر دوڑا ادھر ادھر بیچارہ خوب
تین سو تیرہ بنا کے ہاتھی ناٹ آؤٹ تھا
اپنے کرتب دکھا کے ہاتھی ناٹ آؤٹ تھا
دو وکٹوں پہ لگا تھا چھ سو رنوں کا ڈھیر
پھر پاری ڈکلیئر کرنے میں کیا دیر
دوسری پاری میں بندر کی اڑی ہنسی
اسی ہی رن بنا کے پوری ٹیم گئی
تین سو رن اور دس وکٹوں سے مات ہوئی
جیت ہوئی ہاتھی کی اونچی بات ہوئی

حیدر بیابانی
نظم

فخر وطن ہیں دونوں اور دونوں مقتدر ہیں
ہیں پھول اک چمن کے اک نخل کے ثمر ہیں
اے قوم تیرے دکھ کے دونوں ہی چارہ گر ہیں
دونوں جگر جگر ہیں لیکن دگر دگر ہیں
آپس کے تفرقوں سے ہیں آہ خار دونوں
اغیار کی نظر میں ہیں بے وقار دونوں
مل کر چلو کہ آخر دونوں ہو بھائی بھائی
بھائی سے کیا لڑائی بھائی سے کیا برائی
کب تک یہ خانہ جنگی کب تک یہ خودستائی
دو بھائیوں کو ہرگز زیبا نہیں جدائی
مل کر گلے نکالو دل کا غبار دونوں
اس خاک کے ہو پتلے پایان کار دونوں
رشک جناں بناؤ ہندوستاں کو مل کر
خون جگر سے سینچو اس گلستاں کو مل کر
لہراؤ آسماں پر قومی نشاں کو مل کر
دو آب جاں نثاری نوک سناں کو مل کر

افق لکھنوی
نظم

چھٹیوں میں جب میں پہنچوں گا وہاں
آپ دونوں کو کروں گا شادماں

امان ذخیروی
نظم

سنی میں نے جو ان دونوں کی باتیں
مرا دل خوں کے آنسو رو پڑا ہے

مہدی پرتاپ گڑھی
نظم

پیارے بچپن جاؤ یہاں پر دال نہیں گلنے والی
ان دونوں کے آگے میری ایک نہیں چلنے والی

اسنی بدر
نظم

عجب رات تھی
سوگواری کے رنگوں میں
ڈوبی ہوئی
اک عجب رات تھی
اور اس رات
میں اور محمود درویش دونوں
اجل یافتہ بستیوں کی طرف
چل پڑے تھے
وہ انسان تھے یا فرشتے تھے
زخموں سے پر نور
ملبوس ان کے چمکتے تھے
جیسے وہ سب
روشنی کی ہی سوداگری کر رہے تھے
گلابوں کی مانند
خوشبو لٹاتے ہوئے زخم ان کے
اور ان پر لکھی
ایک تحریر
پیغام شوق اجل کی
اجل یافتہ بستیوں کے
اجل یافتہ شاہزادے
اجل کے گل اندام پیکر کی صورت
بس اک لفظ لبیک پر
رقص کرتی ہوئی
ایسی شہزادیاں
جن کی آنکھوں میں آنسو نہ تھے
صرف تازہ لہو تھا کہ جن سے
اجل سے ملاقات کے
سارے رستے سجائے گئے تھے

عین تابش
نظم

کیوں نہ ان دونوں پہ مٹنے کی ہو حسرت اختر
اف وہ اس رات کی بات آہ وہ اس بات کی رات

اختر شیرانی
نظم

ان دونوں میں رن پڑتا ہے
نت بستی بستی نگر نگر
ہر بستے گھر کے سینے میں
ہر چلتی راہ کے ماتھے پر

فیض احمد فیض
نظم

بینائی بھی اپنی میری
خواب بھی میرے اپنے ہیں
بینائی بھی سچی میری
خواب بھی میرے سچے ہیں
ان دونوں کی لذت سچی
اور اذیت بھی سچی

یاور امان
نظم

جتنی بھیک مجھے درکار تھی
اس کے لیے میرا کشکول
بہت چھوٹا تھا
آخر میں نے توڑ دیا اپنا کشکول
اور دونوں ہاتھوں سے دامن پھیلایا

باصر سلطان کاظمی
نظم

وہی ہوا ہے یہ جان جاناں
بسنت رت کی سنہری پائل
بجاتی کنگن
وہ پگھلے سونے پہ لہریں لیتی
بدلتی رت کا پیام لیتی
جوانیوں کا سلام لیتی
مری نگاہوں کو تیری پلکوں سے جذب کر کے
وہ تیرے ہونٹوں کے جام مے گوں سے
میرے ہونٹوں کی تشنگی کو مگس کی مانند اپنے سپنے میں جا سموتی
وہی ہوا ہے یہ جان جاناں
کبھی درختوں
کبھی چٹانوں
کبھی کتابوں میں نام لکھتی
ہمارے دونوں کے نام کندہ
وفائے ایفائے عہد کے ہیں
چمکتے روشن نشاں ہمارے
ابھی وہیں ہیں
وہیں رہیں گے
ملال کیسا

ابو سعید قریشی
نظم

سفید کاغذ پر
پنسل کے چلنے کی آواز
بہت کم ہے
سڑک پر ٹینک گزرنے کی آواز
اس سے کچھ زیادہ ہے
اور شاید میری آواز
ان دونوں آوازوں سے زیادہ ہے

ذیشان ساحل
نظم

دریا کے دو ساحل ہیں اور دونوں ہی ناپید
شر ہے دست سیہ اور خیر کا حامل روئے سفید
اک بار مژگاں اک لب خند

ن م راشد
نظم

لمبے وقت سے سوچ رہا ہوں
جانے کیوں ایسا ہوں میں
ملنے سے گھبراتا ہوں میں جھوٹ نہیں کہہ پاتا ہوں
اس کے شکوے اس کی شکایت جھگڑے سے ڈر جاتا ہوں
ادھر ادھر کی باتیں مجھ کو ذرا نہ خوش کر پاتی ہیں
جانے کیوں ایسا ہوں میں
دوست نہیں بن پاتے میرے
رشتے نہیں سنبھلتے ہیں
بے جا محبت بے جا تکلف
دونوں اوچھے لگتے ہیں
اوروں کی کمیوں کو بالکل
اچھا نہیں کہہ پاتا ہوں
جانے کیوں ایسا ہوں میں
اچھے بھلے کاموں میں اکثر
دیر بہت کر دیتا ہوں
امی سے باتیں کرنی ہوں بیٹی کے اسکول ہو جانا
کوئی نیا ناول پڑھنا ہو کوئی کہانی لکھنی ہو
سب کو ٹالتا رہتا ہوں
جانے کیوں ایسا ہوں میں
بھیڑ بھرے شہروں سے مجھ کو
وحشت سی ہو جاتی ہے
گاؤں جنگل سنسان جگہیں
اکثر خوش آ جاتی ہیں
کوئی الھڑ چہرہ دیکھوں من کو وہ بھا جاتا ہے
جانے کیوں ایسا ہوں میں
پیڑوں کے پیراہن دیکھوں پھولوں کی خوشبو کو سونگھوں
رنگ برنگی تتلیاں پکڑوں ہلکی ہلکی بوندیں بھی
ٹھنڈی نرم ہوائیں جب جب چپکے سے چھو جاتی ہیں
یا کوئل کی بولی سن لوں من بیاکل ہو جاتا ہے
جانے کیوں ایسا ہوں میں
نٹ بنجارن سنیاسی اور کھیل تماشے والے لوگ
کھنڈر ویرانہ جلتی دھوپ پھولی سرسوں دھان کے کھیت
لال پتنگ اور پیلی مینا اندر دھنش اور ندی کی دھار
آتے ہیں جب خواب میں میرے دیوانہ ہو جاتا ہوں
جانے کیوں ایسا ہوں میں
بہت مجھے اچھا کہتے ہیں برا بھی کوئی کہتا ہے
سامنے میری مدح سرائی پیچھے گالی دیتا ہے
ہمدردی ہے کوئی دکھاتا کوئی سازش کرتا ہے
پھر بھی چپ چپ سا رہتا ہوں جیسے بہت انجان ہوں میں
جانے کیوں ایسا ہوں میں
تھوڑی سی آزادی مجھ کو تھوڑا بہت وقت کا زیاں
کبھی کبھار کی اچھی باتیں کسی کسی کا سچا پیار
چھوٹی موٹی کوئی شرارت کھلکھلا کر ہنسنا بھی
یہ سب خوش کر جاتے ہیں جب تو
لگتا ہے کہ زندہ ہوں
جانے کیوں ایسا ہوں میں

ابوبکر عباد
نظم

برسوں بعد جب اس کو دیکھا پھول سا چہرہ بدل چکا تھا
پیشانی پر فکر کی آیت آنکھیں اب سنجیدہ تھیں
ہونٹ کنول اب بھی ویسے پر شادابی کچھ کم کم تھی
پکے پھلوں کا بوجھ اٹھائے جسم تنا بل کھاتا تھا
رنگیں پیراہن میں اب بھی
خواب کی صورت لگتی تھی
جانے کیسی کیسی حکایت دیکھ اسے یاد آتی تھی
پہلی دفعہ جب ساتھ تھے بیٹھے کلاس کے اندر ہم دونوں
اس کے جسم کے لمس نے مجھ کو
پہلے تو بلایا تھا پھر پکا دوست بنایا تھا
شام تلک میلے میں کیسے پھرتے رہے تھے ادھر ادھر
رات گئے ممی نے اس کو کھوٹی کھری سنائی تھی
ریل کے اندر بیٹھ کے کیسے شرمائے گھبرائے تھے
بغیر ٹکٹ کے پہنچ کے گھر پر کتنی موج منائی تھی
دوپہر کو ڈھابے میں
چائے اور سگریٹ کے ساتھ
تھوڑے سے رومانی ہو کر
کیا کیا باتیں کرتے تھے
گھر کے باہر لان بھی ہوگا گیندا اور گل مہر کے پھول
کھری کھاٹ نہیں رکھیں گے بیڈ بڑے مہنگے ہوں گے
سوٹ مرا ایسا ہوگا تیری ساری ریشم کی
بیٹے کا جو نام رکھیں گے ہندو نہ مسلم ہوگا
بل چکاتے وقت میں اکثر پیسے کم پڑ جاتے تھے
دیکھ کے ددو ہنستا تھا پھر
جانے کیوں خوش ہوتا تھا
کوئی بات نہیں ہے بیٹے
کل جب آؤ دے جانا
جاتے ہوئے جب سیٹھ نے اس کی کمر میں بازو پہنایا
دیکھ کے اس کی آنکھیں مجھ کو چھلک پڑی تھیں چپ کے سے
سوچ رہا تھا پلٹ کے اب وہ
پوچھے گی تم کیسے ہو
یہ ہے آپ کی کافی صاحب اور بھی کچھ چہیے ہوگا

ابوبکر عباد
نظم

میں تمہارے لیے ٹھہروں گا کہ شاید آؤ
اور جب دونوں پہر ملتے ہوں
ہم بھی آپس میں ملیں
جیسے اک روز ملا کرتے تھے

منیب الرحمن
نظم

میں میں ہوں
تم تم ہو
اور دونوں کے درد جدا ہیں
تم سچائی کے دیوانے تھے
جو مجھ میں نہیں تھی
میں جھوٹا اس سچ سے ڈرتا تھا
جو روحوں کو پتھر کر دیتا ہے
اب دونوں جھوٹے اور سچے
اپنے اپنے جھوٹ اور سچ پر
نادم ہیں

سلیم احمد
نظم

فرض کرو ہم اہل وفا ہوں، فرض کرو دیوانے ہوں
فرض کرو یہ دونوں باتیں جھوٹی ہوں افسانے ہوں

ابن انشا
Load More
Best poetry resource in urdu
تلاش
Get App
URD
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
بولیے