بیراگ شاعری

خود کشی قتل انا ترک تمنا بیراگ

زندگی تیرے نظر آنے لگے حل کتنے

رفیعہ شبنم عابدی

پی کے بیراگ کی اداسی سوں

دل پہ میرے سدا اداسی ہے

ولی محمد ولی

بتاؤں کس حوالے سے انہیں بیراگ کا مطلب

جو تارے پوچھتے ہیں رات کو گھر کیوں نہیں جاتا

پربدھ سوربھ

نیا باندھو ندی کنارے سکھی

چاند بیراگ رات تیاگ لگے

ناصر شہزاد

جس کوں پیو کے ہجر کا بیراگ ہے

آہ کا مجلس میں اس کی راگ ہے

سراج اورنگ آبادی

روز ملتے ہیں منہ پر اپنے بھبھوت

عشق میں ہم نے لے لیا بیراگ

نوح ناروی

میٹھے پانی کی ندی کیوں بہے سمندر اور

جس کے من میں پیار کا دھن ہو کیوں لے وہ بیراگ

باقر نقوی

روز ملتے ہیں منہ پر اپنے بھبھوت

عشق میں ہم نے لے لیا بیراگ

نوح ناروی

ماجدؔ نے بیراگ لیا ہے کوئی ایسی بات نہیں

ادھر ادھر کی باتیں کر کے لوگوں کو سمجھایا کر

ماجد الباقری

اس کی بالک ہٹ کے آگے گھر چھوڑا بیراگ لیا

دیکھیں کیا دن دکھلاتا ہے اب یہ مورکھ من بابا

الیاس عشقی

متعلقہ موضوعات