ناز پر اشعار

آئنہ دیکھ کے کہتے ہیں سنورنے والے

آج بے موت مریں گے مرے مرنے والے

ریحانیؔ ان کو دیکھ کے محو خرام ناز

ہر گام پر بہار کا دھوکا ہوا مجھے

غرور حسن کا عالم تو دیکھیے راہیؔ

کسی سے بات بھی کرنا ہے ناگوار انہیں

ذرا دیکھ اس کے نخرے نہیں کھاتی دال روٹی

میں کھلاتا اس کو صدقہ جو یہاں مزار ہوتا

مرتا تری کج ادائیوں پر

لیکن وہ خمار اتر گیا ہے

حشر تک بے گنہی ناز کرے گی مجھ پر

وہ مرا تیری نگاہوں میں برا ہو جانا

ضبط غم وفور شوق اور دل ناصبور عشق

مجھ کو تو ہے غرور عشق آپ کو ناز ہو نہ ہو

تمہارا لمس معطر تمہارا جسم بہار

یہی تو بحث گلابوں کے روبرو ٹھہری

نازکی قامت زیبا کی بیاں کیا کیجے

پیرہن بھی جہاں اسلوب نزاکت مانگے