پریشانی پر اشعار

میں نے جب خود کی طرف غور سے دیکھا تو کھلا

مجھ کو اک میرے سوا کوئی پریشانی نہیں

جو بھی ہے دل میں آپ کے کھل کر بتائیے ہمیں

کہتے ہیں آپ ٹھیک ہیں رہتے ہیں بے قرار سے

کہیں کوئی کماں تانے ہوئے ہے

کبوتر آڑے ترچھے اڑ رہے ہیں

بڑے باوفا تھے مرے یار سب

مصیبت میں جب تک پکارا نہ تھا

تھی مرے دل کی امنگوں ہی سے دنیا کی بہار

دل پریشاں کیا ہوا عالم پریشاں ہو گیا

بس حکم ملا اور نکل آئے وہاں سے

چلتے ہوئے عجلت میں ہی سامان لیا ہے

منحوس ایک شکل ہے جس سے نہیں فرار

پرچھائیں کی طرح سے برابر لگی ہوئی

انہی پہ ہو کبھی نازل عذاب آگ اجل

وہی نگر کبھی ٹھہریں پیمبروں والے

کہاں کے دوست کیسے اقربا جب وقت پڑتا ہے

مصیبت میں کسی کی دوستی سے کچھ نہیں ہوتا