جون ایلیا کو سمجھنا مشکل ہی نہیں نا ممکن ہے

بے ستوں اک نواحی میں ہے شہر دل کی

تیشہ انعام کریں اور کوئی فرہاد رکھیں

تیرا خیال خواب خواب خلوت جاں کی آب و تاب

جسم جمیل و نوجواں شام بخیر شب بخیر

لمحہ بہ لمحہ دم بہ دم آن بہ آن رم بہ رم

میں بھی گزشتگاں میں ہوں تو بھی گزشتگاں میں ہے

حسن سے عرض شوق نہ کرنا حسن کو زک پہنچانا ہے

ہم نے عرض شوق نہ کر کے حسن کو زک پہنچائی ہے

خیرہ سران شوق کا کوئی نہیں ہے جنبہ دار

شہر میں اس گروہ نے کس کو خفا نہیں کیا

ایک سرود روشنی نیمۂ شب کا خواب تھا

ایک خموش تیرگی سانحہ آشنا بھی تھی

مرے حریف مری یکہ تازیوں پہ نثار

تمام عمر حلیفوں سے جنگ کی میں نے

جونؔ جنوب زرد کے خاک بسر یہ دکھ اٹھا

موج شمال سبز جاں آئی تھی اور چلی گئی

وہ منکر ہے تو پھر شاید ہر اک مکتوب شوق اس نے

سر انگشت حنائی سے خلاؤں میں لکھا ہوگا

اس کی چشم نیم وا سے پوچھیو

وہ ترے مژگاں شماراں کیا ہوئے

طفلان کوچہ گرد کے پتھر بھی کچھ نہیں

سودا بھی ایک وہم ہے اور سر بھی کچھ نہیں

ہے یہ وجود کی نمود اپنی نفس نفس گریز

وقت کی ساری بستیاں، اپنی ہزیمتوں میں ہیں

ہم نفسان وضع دار مستمعان برد بار

ہم تو تمہارے واسطے ایک وبال ہو گئے

آج لب گہر فشاں آپ نے وا نہیں کیا

تذکرۂ خجستۂ آب و ہوا نہیں کیا

پاس حیات کا خیال ہم کو بہت برا لگا

پس بہ ہجوم معرکہ جان کے بے سپر گئے

اے طراحدار عشوہ طراز دیار ناز

رخصت ہوا ہوں تیرے لیے دل گلی سے میں

وہ جو تھے شہر تحیر ترے پر فن معمار

وہی پر فن تجھے ڈھانے کے لیے نکلے ہیں

معنئ جاودان جاں کچھ بھی نہیں مگر زیاں

سارے کلیم ہیں زبوں سارا کلام رنج ہے

صد یاد یاد جونؔ وہ ہنگام دل کہ جب

ہم ایک گام کے نہ تھے پر ہفت خواں کے تھے

وہ ہجوم دل زدگاں کہ تھا تجھے مژدہ ہو کہ بکھر گیا

ترے آستانے کی خیر ہو سر رہ غبار بھی اب نہیں