بیسٹ ناراض شاعری

نظر آتی ہیں سوئے آسماں کبھی بجلیاں کبھی آندھیاں

کہیں جل نہ جائے یہ آشیاں کہیں اڑ نہ جائیں یہ چار پر

نظر آتی ہے ساری کائنات میکدہ روشن

یہ کس کے ساغر رنگیں سے پھوٹی ہے کرن ساقی

نظر آتا نہیں اب گھر میں وہ بھی اف رے تنہائی

اک آئینہ میں پہلے آدمی تھا میری صورت کا

نظر آتی نہیں سڑکوں پہ لاشیں

امیر شہر اندھا ہو گیا ہے

نظر آتی نہیں اب دل میں تمنا کوئی

بعد مدت کے تمنا مری بر آئی ہے

نظر اور وسعت نظر معلوم

اتنی محدود کائنات نہیں

نظر بھر کے جو دیکھ سکتے ہیں تجھ کو

میں ان کی نظر دیکھنا چاہتا ہوں

نظر بچا کے گزر جائیں مجھ سے وہ لیکن

میرے خیال سے دامن بچا نہیں سکتے

نظر آتا نہیں مجھ کوں سبب کیا

مرا نازک بدن ہیہات ہیہات

نظر بچا کے جو آنسو کئے تھے میں نے پاک

خبر نہ تھی یہی دھبے بنیں گے دامن کے