logoñ ko apnī fikr hai lekin mujhe nadīm

bazm-e-hayāt-o-nazm-e-gulistāñ kī fikr hai

logon ko apni fikr hai lekin mujhe nadim

bazm-e-hayat-o-nazm-e-gulistan ki fikr hai

dil ne har daur meñ duniyā se baġhāvat kī hai

dil se tum rasm-o-rivāyāt kī bāteñ na karo

dil ne har daur mein duniya se baghawat ki hai

dil se tum rasm-o-riwayat ki baaten na karo

vaqt mohlat na degā phir tum ko

tiir jis dam kamān se niklā

waqt mohlat na dega phir tum ko

tir jis dam kaman se nikla

ham-nafas ḳhvāb-e-junūñ kī koī ta.abīr na dekh

raqs karnā hai to phir paañv kī zanjīr na dekh

ham-nafas KHwab-e-junun ki koi tabir na dekh

raqs karna hai to phir panw ki zanjir na dekh

kitne be-nūr haiñ ye hañgāme

maiñ bhare shahr meñ bhī huuñ tanhā

kitne be-nur hain ye hangame

main bhare shahr mein bhi hun tanha

alfāz madah-ḳhvāñ the qalam the bike hue

kaise tarāsh lete koī shāh-kār ham

alfaz madah-KHwan the qalam the bike hue

kaise tarash lete koi shah-kar hum

intishār-o-ḳhauf har ik sar meñ hai

āfiyat se kaun apne ghar meñ hai

intishaar-o-KHauf har ek sar mein hai

aafiyat se kaun apne ghar mein hai

kitne hī zaḳhm hare haiñ mire siine meñ 'niyāz'

aap ab mujh se ināyāt kī bāteñ na karo

kitne hi zaKHm hare hain mere sine mein 'niyaz'

aap ab mujh se inayat ki baaten na karo

be-ruḳhī dekh ab zamāne kī

mudda.ā kyuuñ zabān se niklā

be-ruKHi dekh ab zamane ki

muddaa kyun zaban se nikla

basā ke dil meñ tire ġham tire sitam ai dost

jahāñ jahāñ se bhī guzrā maiñ naġhma-ḳhvāñ guzrā

basa ke dil mein tere gham tere sitam ai dost

jahan jahan se bhi guzra main naghma-KHwan guzra