sailāb-e-zindagī ke sahāre baḌhe chalo

sāhil pe rahne vāloñ kā nām-o-nishāñ nahīñ

sailab-e-zindagi ke sahaare baDhe chalo

sahil pe rahne walon ka nam-o-nishan nahin

mujhe dushman se apne ishq sā hai

maiñ tanhā aadmī kī dostī huuñ

mujhe dushman se apne ishq sa hai

main tanha aadmi ki dosti hun

fāsle aise ki ik umr meñ tai ho na sakeñ

qurbateñ aisī ki ḳhud mujh meñ janam hai us kā

fasle aise ki ek umr mein tai ho na saken

qurbaten aisi ki KHud mujh mein janam hai us ka

jaane kyuuñ un se milte rahte haiñ

ḳhush vo kyā hoñge jab ḳhafā hī nahīñ

jaane kyun un se milte rahte hain

KHush wo kya honge jab KHafa hi nahin

aazmā lo ki dil ko chain aa.e

ye na kahnā kahīñ vafā hī nahīñ

aazma lo ki dil ko chain aae

ye na kahna kahin wafa hi nahin

ham mileñ yā na mileñ phir bhī kabhī ḳhvāboñ meñ

muskurātī huī ā.eñgī hamārī bāteñ

hum milen ya na milen phir bhi kabhi KHwabon mein

muskuraati hui aaengi hamari baaten

kabhī to bhuul ga.e pī ke naam tak un kā

kabhī vo yaad jo aa.e to phir piyā na gayā

kabhi to bhul gae pi ke nam tak un ka

kabhi wo yaad jo aae to phir piya na gaya

is tarah kuchh badal ga.ī hai zamīñ

ham ko ab ḳhauf-e-āsmāñ na rahā

is tarah kuchh badal gai hai zamin

hum ko ab KHauf-e-asman na raha

ye soch kar tirī mahfil se ham chale aa.e

ki ek baar to baḌh jaa.e hausla dil kā

ye soch kar teri mahfil se hum chale aae

ki ek bar to baDh jae hausla dil ka

chale to jaate ho rūThe hue magar sun lo

har ek moḌ pe koī tumheñ sadā degā

chale to jate ho ruThe hue magar sun lo

har ek moD pe koi tumhein sada dega

qāfile ḳhud sambhal sambhal ke baḌhe

jab koī mīr-e-kārvāñ na rahā

qafile KHud sambhal sambhal ke baDhe

jab koi mir-e-karwan na raha

mere sanam-kade meñ ka.ī aur but bhī haiñ

ik merī zindagī ke tumhīñ rāz-dāñ nahīñ

mere sanam-kade mein kai aur but bhi hain

ek meri zindagi ke tumhin raaz-dan nahin

ye kis jagah pe qadam ruk ga.e haiñ kyā kahiye

ki manziloñ ke nishāñ tak miTā ke baiThe haiñ

ye kis jagah pe qadam ruk gae hain kya kahiye

ki manzilon ke nishan tak miTa ke baiThe hain

kāfirī ishq kā sheva hai magar tere liye

is na.e daur meñ ham phir se musalmāñ hoñge

kafiri ishq ka shewa hai magar tere liye

is nae daur mein hum phir se musalman honge

aisī begānagī nahīñ dekhī

ab kisī kā koī yahāñ na rahā

aisi beganagi nahin dekhi

ab kisi ka koi yahan na raha

jaane kin mushkiloñ se jiite haiñ

kyā kareñ koī mehrbāñ na rahā

jaane kin mushkilon se jite hain

kya karen koi mehrban na raha

is shahr meñ hai kaun hamārā tire sivā

ye kyā ki tū bhī apnā kabhī ham-navā na ho

is shahr mein hai kaun hamara tere siwa

ye kya ki tu bhi apna kabhi ham-nawa na ho

ā.īna kyā kis ko dikhātā galī galī hairat biktī thī

naqqāroñ kā shor thā har sū sachche sab aur jhūTā maiñ

aaina kya kis ko dikhata gali gali hairat bikti thi

naqqaron ka shor tha har su sachche sab aur jhuTa main

dāman-e-sabr ke har taar se uThtā hai dhuāñ

aur har zaḳhm pe hañgāma uThā aaj bhī hai

daman-e-sabr ke har tar se uThta hai dhuan

aur har zaKHm pe hangama uTha aaj bhi hai

ek tūfāñ kī tarah kab se kināra-kash hai

phir bhī 'bāqar' mirī nazroñ meñ bharam hai us kā

ek tufan ki tarah kab se kinara-kash hai

phir bhi 'baqar' meri nazron mein bharam hai us ka