charāġh us ne bujhā bhī diyā jalā bhī diyā

ye merī qabr pe manzar nayā dikhā bhī diyā

charagh us ne bujha bhi diya jala bhi diya

ye meri qabr pe manzar naya dikha bhi diya

bandhan sā ik bañdhā thā rag-o-pai se jism meñ

marne ke ba.ad haath se motī bikhar ga.e

bandhan sa ek bandha tha rag-o-pai se jism mein

marne ke baad hath se moti bikhar gae

kabhī dar par kabhī hai raste meñ

nahīñ thaktī hai intizār se aañkh

kabhi dar par kabhi hai raste mein

nahin thakti hai intizar se aankh

zor se saañs jo letā huuñ to akasr shab-e-ġham

dil kī āvāz ajab dard bharī aatī hai

zor se sans jo leta hun to akasr shab-e-gham

dil ki aawaz ajab dard bhari aati hai

ye un kā khel to dekho ki ek kāġhaz par

likhā bhī naam mirā aur phir miTā bhī diyā

ye un ka khel to dekho ki ek kaghaz par

likha bhi nam mera aur phir miTa bhi diya

ahd ke saath ye bhī ho irshād

kis tarah aur kab mileñge aap

ahd ke sath ye bhi ho irshad

kis tarah aur kab milenge aap

vo apne matlab kī kah rahe haiñ zabān par go hai baat merī

hai chit bhī un kī hai paT bhī un kī hai jiit un kī hai maat merī

wo apne matlab ki kah rahe hain zaban par go hai baat meri

hai chit bhi un ki hai paT bhi un ki hai jit un ki hai mat meri

kahte haiñ arz-e-vasl par vo kaho

dūsrī baat dūsrā matlab

kahte hain arz-e-wasl par wo kaho

dusri baat dusra matlab

rihā.ī jiite jī mumkin nahīñ hai

qafas hai āhanī dar-band par band

rihai jite ji mumkin nahin hai

qafas hai aahani dar-band par band

ye chheḌ kyā hai ye kyā mujh se dil-lagī hai koī

jagāyā niiñd se jaagā to phir sulā bhī diyā

ye chheD kya hai ye kya mujh se dil-lagi hai koi

jagaya nind se jaga to phir sula bhi diya

shaam bhī hai sub.h bhī hai aur din bhī raat bhī

māh-e-tābāñ ab bhī hai mahr-e-daraḳhshāñ ab bhī hai

sham bhi hai subh bhi hai aur din bhi raat bhi

mah-e-taban ab bhi hai mahr-e-daraKHshan ab bhi hai

mirā dil bhī tilismī hai ḳhazāna

ki is meñ ḳhair bhī hai aur shar band

mera dil bhi tilismi hai KHazana

ki is mein KHair bhi hai aur shar band