kabhī hañsāyā kabhī rulāyā kabhī rulāyā kabhī hañsāyā

jhijak jhijak kar simaT simaT kar lipaT lipaT kar dabā dabā kar

kabhi hansaya kabhi rulaya kabhi rulaya kabhi hansaya

jhijak jhijak kar simaT simaT kar lipaT lipaT kar daba daba kar

yaad meñ ḳhvāb meñ tasavvur meñ

aa ki aane ke haiñ hazār tarīq

yaad mein KHwab mein tasawwur mein

aa ki aane ke hain hazar tariq

nahīñ ye aadmī kā kaam vaa.iz

hamāre but tarāshe haiñ ḳhudā ne

nahin ye aadmi ka kaam waiz

hamare but tarashe hain KHuda ne

adā.eñ tā-abad bikhrī paḌī haiñ

azal meñ phaT paḌā joban kisī kā

adaen ta-abad bikhri paDi hain

azal mein phaT paDa joban kisi ka

ye tāsīr mohabbat hai ki Tapkā

hamārā ḳhuuñ tumhārī guftugū se

ye tasir mohabbat hai ki Tapka

hamara KHun tumhaari guftugu se

hazāroñ dil masal kar pair se jhuñjhlā ke yuuñ bole

lo pahchāno tumhārā in diloñ meñ kaun sā dil hai

hazaron dil masal kar pair se jhunjhla ke yun bole

lo pahchano tumhaara in dilon mein kaun sa dil hai

lahū Tapkā kisī kī aarzū se

hamārī aarzū Tapkī lahū se

lahu Tapka kisi ki aarzu se

hamari aarzu Tapki lahu se

vo poshīda rakhte haiñ apnā ta.alluq

idhar dekh kar phir udhar dekh lenā

wo poshida rakhte hain apna talluq

idhar dekh kar phir udhar dekh lena

shaiḳh ke māthe pe miTTī barhaman ke bar meñ but

aadmī dair-o-haram se ḳhaak patthar le chalā

shaiKH ke mathe pe miTTi barhaman ke bar mein but

aadmi dair-o-haram se KHak patthar le chala

vo haTe aañkh ke aage se to bas sūrat-e-aks

maiñ bhī is ā.īna-ḳhāna se nikal jā.ūñgā

wo haTe aankh ke aage se to bas surat-e-aks

main bhi is aaina-KHana se nikal jaunga

vahī uThā.e mujhe jo bane mirā mazdūr

tumhāre kūche meñ baiThā huuñ maiñ makāñ kī tarah

wahi uThae mujhe jo bane mera mazdur

tumhaare kuche mein baiTha hun main makan ki tarah

ai tan-parast jāma-e-sūrat kasīf hai

bazm-e-huzūr-e-dost meñ kapḌe badal ke chal

ai tan-parast jama-e-surat kasif hai

bazm-e-huzur-e-dost mein kapDe badal ke chal

dil aayā hai qayāmat hai mirā dil

uThe ta.azīm de joban kisī kā

dil aaya hai qayamat hai mera dil

uThe tazim de joban kisi ka

paar dariyā-e-shahādat se utar jaate haiñ sar

kashtī-e-ushshāq kī mallāh ban jaatī hai teġh

par dariya-e-shahadat se utar jate hain sar

kashti-e-ushshaq ki mallah ban jati hai tegh

nairañgiyāñ falak kī jabhī haiñ ki hoñ baham

kaalī ghaTā safed pyāle sharāb-e-surḳh

nairangiyan falak ki jabhi hain ki hon baham

kali ghaTa safed pyale sharab-e-surKH

havā-e-vahshat dil le uḌī kahāñ se kahāñ

paḌī hai duur zamīñ gard-e-kārvāñ kī tarah

hawa-e-wahshat dil le uDi kahan se kahan

paDi hai dur zamin gard-e-karwan ki tarah

gauhar-e-maqsad mile gar charḳh-e-mīnā.ī na ho

ġhota-zan bahr-e-haqīqat meñ huuñ gar kaa.ī na ho

gauhar-e-maqsad mile gar charKH-e-minai na ho

ghota-zan bahr-e-haqiqat mein hun gar kai na ho