mujh pe ho jaa.e tirī chashm-e-karam gar pal bhar

phir maiñ ye donoñ jahāñ ''bāt zarā sii'' likkhūñ

mujh pe ho jae teri chashm-e-karam gar pal bhar

phir main ye donon jahan baat zara si likkhun

baat apnī anā kī hai varna

yuuñ to do haath par kinārā hai

baat apni ana ki hai warna

yun to do hath par kinara hai

dekh ke jis ko dil dukhtā thā

vo tasvīr jalā dī ham ne

dekh ke jis ko dil dukhta tha

wo taswir jala di hum ne

ham se tanhā.ī ke maare nahīñ dekhe jaate

bin tire chāñd sitāre nahīñ dekhe jaate

hum se tanhai ke mare nahin dekhe jate

bin tere chand sitare nahin dekhe jate

maiñ shāyad tere dukh meñ mar gayā huuñ

ki ab siine meñ kuchh dukhtā nahīñ hai

main shayad tere dukh mein mar gaya hun

ki ab sine mein kuchh dukhta nahin hai

parastish kī hai merī dhaḌkanoñ ne

tujhe maiñ ne faqat chāhā nahīñ hai

parastish ki hai meri dhaDkanon ne

tujhe main ne faqat chaha nahin hai

saut kyā shai hai ḳhāmushī kyā hai

ġham kise kahte haiñ ḳhushī kyā hai

saut kya shai hai KHamushi kya hai

gham kise kahte hain KHushi kya hai

itnī pī jaa.e ki miT jaa.e maiñ aur tū kī tamīz

yaanī ye hosh kī dīvār girā dī jaa.e

itni pi jae ki miT jae main aur tu ki tamiz

yani ye hosh ki diwar gira di jae

tirā vajūd gavāhī hai mere hone kī

maiñ apnī zaat se inkār kis tarah kartā

tera wajud gawahi hai mere hone ki

main apni zat se inkar kis tarah karta

harf jaise ho ga.e saare munāfiq ek dam

kaun se lafzoñ meñ samjhā.ūñ tumheñ dil kā payām

harf jaise ho gae sare munafiq ek dam

kaun se lafzon mein samjhaun tumhein dil ka payam

aziiz mujh ko haiñ tūfān sāhiloñ se sivā

isī liye hai ḳhafā merā nāḳhudā mujh se

aziz mujh ko hain tufan sahilon se siwa

isi liye hai KHafa mera naKHuda mujh se

ye zamīñ ḳhvāb hai āsmāñ ḳhvāb hai

ik makāñ hī nahīñ lā-makāñ ḳhvāb hai

ye zamin KHwab hai aasman KHwab hai

ek makan hi nahin la-makan KHwab hai

tujh ko kho kar mujh par vo bhī din aa.e

chhup na sakā dukh pīchhe ka.ī naqāboñ ke

tujh ko kho kar mujh par wo bhi din aae

chhup na saka dukh pichhe kai naqabon ke

zindagī kaT ga.ī manāte hue

ab irāda hai ruuTh jaane kā

zindagi kaT gai manate hue

ab irada hai ruTh jaane ka