uThe haiñ haath to apne karam kī laaj bachā

vagarna merī duā kyā mirī talab kyā hai

uThe hain hath to apne karam ki laj bacha

wagarna meri dua kya meri talab kya hai

ḳhud pe kyā biit ga.ī itne dinoñ meñ tujh bin

ye bhī himmat nahīñ ab jhāñk ke andar dekhūñ

KHud pe kya bit gai itne dinon mein tujh bin

ye bhi himmat nahin ab jhank ke andar dekhun

maiñ ne hañsne kī aziyyat jhel lī royā nahīñ

ye salīqa bhī koī āsān jiine kā na thā

main ne hansne ki aziyyat jhel li roya nahin

ye saliqa bhi koi aasan jine ka na tha

ek bechain samundar hai mire jism meñ qaid

TuuT jaa.e jo ye dīvār to manzar dekhūñ

ek bechain samundar hai mere jism mein qaid

TuT jae jo ye diwar to manzar dekhun

hamāre naam likhī jā chukī thī rusvā.ī

hameñ to honā thā yuuñ bhī ḳharāb chāroñ taraf

hamare nam likhi ja chuki thi ruswai

hamein to hona tha yun bhi KHarab chaaron taraf

nāḳhudā ho ki ḳhudā dekhte rah jaate haiñ

kashtiyāñ Dūbtī haiñ us ke makīñ Dūbte haiñ

naKHuda ho ki KHuda dekhte rah jate hain

kashtiyan Dubti hain us ke makin Dubte hain

maiñ vo TuuTā huā taarā jise mahfil na raas aa.ī

maiñ vo shola jo shab bhar aañkh ke paanī meñ rahtā hai

main wo TuTa hua tara jise mahfil na ras aai

main wo shola jo shab bhar aankh ke pani mein rahta hai

ik lahū kī buuñd thī lekin ka.ī ā.ankhoñ meñ thī

ek harf-e-mo'tabar thā aur ka.ī ma.anoñ meñ thā

ek lahu ki bund thi lekin kai aaankhon mein thi

ek harf-e-mo'tabar tha aur kai manon mein tha