مصلحت کا یہی تقاضا ہے

وہ نہ مانیں تو مان جاؤ تم

امید ان سے وفا کی تو خیر کیا کیجے

جفا بھی کرتے نہیں وہ کبھی جفا کی طرح

اپنے چہرے سے جو زلفوں کو ہٹایا اس نے

دیکھ لی شام نے تابندہ سحر کی صورت

گلہ مجھ سے تھا یا میری وفا سے

مری محفل سے کیوں برہم گئے وہ

مجھے بھی اک ستم گر کے کرم سے

ستم سہنے کی عادت ہو گئی ہے

تمہیں تو اپنی جفاؤں کی خوب داد ملی

مری وفاؤں کا مجھ کو کوئی صلہ نہ ملا

مخالفوں کو بھی اپنا بنا لیا تو نے

عجیب طرح کا جادو تری زبان میں تھا

جو چاہتے ہو بدلنا مزاج طوفاں کو

تو ناخدا پہ بھروسا کرو خدا کی طرح

آپ کی ہستی میں ہی مستور ہو جاتا ہوں میں

جب قریب آتے ہو خود سے دور ہو جاتا ہوں میں

زباں پہ شکوۂ بے مہریٔ خدا کیوں ہے؟

دعا تو مانگیے آتشؔ کبھی دعا کی طرح

یہ ساری باتیں ہیں درحقیقت ہمارے اخلاق کے منافی

سنیں برائی نہ ہم کسی کی نہ خود کسی کو برا کہیں ہم

غم و الم بھی ہیں تم سے خوشی بھی تم سے ہے

نوائے سوز میں تم ہو صدائے ساز میں تم

چارہ سازوں کی چارہ سازی سے

اور بیمار کی دشا بگڑی

یہ مے خانہ ہے مے خانہ تقدس اس کا لازم ہے

یہاں جو بھی قدم رکھنا ہمیشہ با وضو رکھنا

در حقیقت اتصال جسم و جاں ہے زندگی

یہ حقیقت ہے کہ ارباب ہمم کے واسطے

خوگر لذت آزار تھا اتنا آتشؔ

درد بھی مانگا تو پہلے سے سوا مانگا تھا