kyā yahāñ dekhiye kyā vahāñ dekhiye

aap hī aap haiñ ab jahāñ dekhiye

kya yahan dekhiye kya wahan dekhiye

aap hi aap hain ab jahan dekhiye

ḳhuun jab ashk meñ Dhaltā hai ġhazal hotī hai

jab bhī dil rañg badaltā hai ġhazal hotī hai

KHun jab ashk mein Dhalta hai ghazal hoti hai

jab bhi dil rang badalta hai ghazal hoti hai

ik qayāmat hai aap kā va.ada

chaliye ye bhī azaab ho jaa.e

ek qayamat hai aap ka wada

chaliye ye bhi azab ho jae

dard kā silsila hai jahāñ tak

dil kī jāgīr hogī vahāñ tak

dard ka silsila hai jahan tak

dil ki jagir hogi wahan tak

terī yādoñ ke lamhe bhī bedard the

tujh ko mujh se churāte rahe rāt-bhar

teri yaadon ke lamhe bhi bedard the

tujh ko mujh se churaate rahe raat-bhar

lutf-e-sohbat matā-e-ulfat hai

kuchh kaho aur kuchh suno pyāre

lutf-e-sohbat mata-e-ulfat hai

kuchh kaho aur kuchh suno pyare

is kashmakash meñ terī galī se pare rahe

aa.e kahāñ pe harf kahāñ par na aa.e harf

is kashmakash mein teri gali se pare rahe

aae kahan pe harf kahan par na aae harf

nām-levā tumhārā hai 'tarzī'

aadmī kī tarah milo pyāre

nam-lewa tumhaara hai 'tarzi'

aadmi ki tarah milo pyare