abhī se mat mire kirdār ko marā huā jaan

tire fasāne meñ zikr aa.egā dobārā mirā

abhi se mat mere kirdar ko mara hua jaan

tere fasane mein zikr aaega dobara mera

ik intizār meñ qaa.em hai is charāġh kī lau

ik ehtimām meñ kamre kā dar khulā huā hai

ek intizar mein qaem hai is charagh ki lau

ek ehtimam mein kamre ka dar khula hua hai

saath dene kī baat saare kareñ

aur nibhā.e koī koī mire dost

sath dene ki baat sare karen

aur nibhae koi koi mere dost

koī charāġh mirī samt bhī ravāna karo

bahut dinoñ se añdherā mire vajūd meñ hai

koi charagh meri samt bhi rawana karo

bahut dinon se andhera mere wajud mein hai

mujhe ab aa ga.e haiñ nafratoñ ke biij bone

so merā haq ye bantā hai ki sardārī karūñgā

mujhe ab aa gae hain nafraton ke bij bone

so mera haq ye banta hai ki sardari karunga

ye terā maal kisī roz Das hī legā tujhe

agar tū is meñ se ḳhairāt kuchh nahīñ karegā

ye tera mal kisi roz Das hi lega tujhe

agar tu is mein se KHairaat kuchh nahin karega

thāmūñgā nahīñ ab ke munājāt kā dāman

dil tujh se uThā aur tire dar se uThā maiñ

thamunga nahin ab ke munajat ka daman

dil tujh se uTha aur tere dar se uTha main

pahle merī zaat meñ thā maujūd koī

ab hai merī zaat kā hissa sannāTā

pahle meri zat mein tha maujud koi

ab hai meri zat ka hissa sannaTa

so yuuñ huā ki lagā qufl nutq-o-lab pe mire

maiñ tum se mil ke bahut der tak rahā ḳhāmosh

so yun hua ki laga qufl nutq-o-lab pe mere

main tum se mil ke bahut der tak raha KHamosh

mirā tumhārā ta.alluq bigaḌ ke ban gayā hai

mire tumhāre ḳhayālāt kā amiiñ koī hai

mera tumhaara talluq bigaD ke ban gaya hai

mere tumhaare KHayalat ka amin koi hai