chāhiye hai mujhe inkār-e-mohabbat mire dost

lekin is meñ tirā inkār nahīñ chāhiye hai

chahiye hai mujhe inkar-e-mohabbat mere dost

lekin is mein tera inkar nahin chahiye hai

mirī vafā hai mire muñh pe haath rakkhe hue

tū sochtā hai ki kuchh bhī nahīñ samajhtā maiñ

meri wafa hai mere munh pe hath rakkhe hue

tu sochta hai ki kuchh bhi nahin samajhta main

chand peḌoñ ko hī majnūñ kī duā hotī hai

sab daraḳhtoñ pe to patthar nahīñ aayā kartā

chand peDon ko hi majnun ki dua hoti hai

sab daraKHton pe to patthar nahin aaya karta

raas aa.egī mohabbat us ko

jis se hote nahīñ va.ade puure

ras aaegi mohabbat us ko

jis se hote nahin wade pure

mujh pe tasvīr lagā dī ga.ī hai

kyā maiñ dīvār dikhā.ī diyā huuñ

mujh pe taswir laga di gai hai

kya main diwar dikhai diya hun

tū ne ai ishq ye sochā ki tirā kyā hogā

tere sar se maiñ agar haath uThā letā huuñ

tu ne ai ishq ye socha ki tera kya hoga

tere sar se main agar hath uTha leta hun

kurra-e-hijr se honā hai numūdār mujhe

maiñ tire ishq kā inkār uThāne lagā huuñ

kurra-e-hijr se hona hai numudar mujhe

main tere ishq ka inkar uThane laga hun

ik pal kā tavaqquf bhī girāñ-bār hai tujh par

aur ham ki thake-hāre masāfat se gurezāñ

ek pal ka tawaqquf bhi giran-bar hai tujh par

aur hum ki thake-haare masafat se gurezan

paañv bāñdhe haiñ vafā se jab ne

tez-raftār dikhā.ī diyā huuñ

panw bandhe hain wafa se jab ne

tez-raftar dikhai diya hun