کاش لوٹیں مرے پاپا بھی کھلونے لے کر

کاش پھر سے مرے ہاتھوں میں خزانہ آئے

حادثے جان تو لیتے ہیں مگر سچ یہ ہے

حادثے ہی ہمیں جینا بھی سکھا دیتے ہیں

ہر خدا جنتوں میں ہے محدود

کوئی سنسار تک نہیں پہنچا

جمہوریت کی لاش پہ طاقت ہے خندہ زن

اس برہنہ نظام میں ہر آدمی کی خیر

جب بھی ملتے ہیں تو جینے کی دعا دیتے ہیں

جانے کس بات کی وہ ہم کو سزا دیتے ہیں

شاید زباں پہ قرض تھا ہم نے چکا دیا

خاموش ہو گئے ہیں تجھے ہم پکار کے

پیڑ کو اپنا ہی سایہ نہیں ملتا لوگو

فصل اپنی کبھی پاتے نہیں بونے والے

چارہ گر سب کے پاس جاتا تھا

صرف بیمار تک نہیں پہنچا

ایسے سلگ اٹھا تری یادوں سے دل مرا

جیسے دھدھک اٹھیں کہیں جنگل چنار کے

اک بند ہو گیا ہے تو کھولیں گے باب اور

ابھریں گے اپنی رات سے سو آفتاب اور

ہر آدمی کے قد سے اس کی قبا بڑی ہے

سورج پہن کے نکلے دھندلے چراغ یارو

فن جو معیار تک نہیں پہنچا

اپنے شہکار تک نہیں پہنچا

وہ ریت پر اک نشان جیسا تھا موم کے اک مکان جیسا

بڑا سنبھل کر چھوا تھا میں نے پہ ایک پل میں بکھر گیا وہ

ایک مدت سے دھدھکتا رہا میرا یہ ذہن

تب کہیں جا کے فروزاں ہوئے لفظوں کے چراغ

کس نے بیچا نہیں سخن اپنا

کون بازار تک نہیں پہنچا

یوں عبث کسی کو سدا نہ دو دل زار کو یہ بتا بھی دو

کبھی اب نہ آئیں گے لوٹ کر وہ جو ایک بار چلے گئے