دیر لگی آنے میں تم کو شکر ہے پھر بھی آئے تو

آس نے دل کا ساتھ نہ چھوڑا ویسے ہم گھبرائے تو

اف وہ طوفان شباب آہ وہ سینہ تیرا

جسے ہر سانس میں دب دب کے ابھرتا دیکھا

دل پر چوٹ پڑی ہے تب تو آہ لبوں تک آئی ہے

یوں ہی چھن سے بول اٹھنا تو شیشہ کا دستور نہیں

جھوٹ ہے سب تاریخ ہمیشہ اپنے کو دہراتی ہے

اچھا میرا خواب جوانی تھوڑا سا دہرائے تو

چاہت کے بدلے میں ہم بیچ دیں اپنی مرضی تک

کوئی ملے تو دل کا گاہک کوئی ہمیں اپنائے تو

جگر میں ٹیس لب ہنسنے پہ مجبور

کچھ ایسی ہی ہماری زندگی ہے

بے نیازانہ برابر سے گزرنے والے

تیز کچھ قلب کی رفتار ہوئی تھی کہ نہیں

ڈوبنا ہی تھا جو کشتی کا مقدر یارب

آنکھ کے سامنے اے کاش نہ ساحل ہوتا

لوگ کہتے ہیں دعاؤں میں اثر ہوتا ہے

میری تقدیر بدل جائے تو میں بھی جانوں

تم چاندنی ہو پھول ہو نغمہ ہو شعر ہو

اللہ رے حسن ذوق مرے انتخاب کا