ye avadh hai ki jahāñ shaam kabhī ḳhatm nahīñ

vo banaras hai jahāñ roz sahar hotī hai

ye awadh hai ki jahan sham kabhi KHatm nahin

wo banaras hai jahan roz sahar hoti hai

ab tire hijr meñ yuuñ umr basar hotī hai

shaam hotī hai to ro ro ke sahar hotī hai

ab tere hijr mein yun umr basar hoti hai

sham hoti hai to ro ro ke sahar hoti hai

sukūn-e-dil na mayassar huā zamāne meñ

na yaad rakhne meñ tum ko na bhuul jaane meñ

sukun-e-dil na mayassar hua zamane mein

na yaad rakhne mein tum ko na bhul jaane mein

be-ḳhayālī meñ bhī phir un kā ḳhayāl aatā hai

vahī tasvīr mire pesh-e-nazar hotī hai

be-KHayali mein bhi phir un ka KHayal aata hai

wahi taswir mere pesh-e-nazar hoti hai

bhūlne vaale tujhe yaad kiyā hai barsoñ

dil-e-vīrāñ ko yuuñ ābād kiyā hai barsoñ

bhulne wale tujhe yaad kiya hai barson

dil-e-viran ko yun aabaad kiya hai barson

saath jo de na sakā rāh-e-vafā meñ apnā

be-irāda bhī use yaad kiyā hai barsoñ

sath jo de na saka rah-e-wafa mein apna

be-irada bhi use yaad kiya hai barson

vo iztirāb-e-musalsal kā lutf kyā jaane

musībatoñ se jo ghabrā gayā zamāne meñ

wo iztirab-e-musalsal ka lutf kya jaane

musibaton se jo ghabra gaya zamane mein

bijlī girī thī kab ye kisī ko ḳhabar nahīñ

ab tak chaman meñ aag lagī hai bahār meñ

bijli giri thi kab ye kisi ko KHabar nahin

ab tak chaman mein aag lagi hai bahaar mein

kuchh andalīb kā ḳhuun jigar bhī hai shāmil

guloñ kī bazm kī rañgīniyāñ baḌhāne meñ

kuchh andalib ka KHun jigar bhi hai shamil

gulon ki bazm ki ranginiyan baDhane mein