jo mere gaañv ke khetoñ meñ bhuuk ugne lagī

mire kisānoñ ne shahroñ meñ naukrī kar lī

jo mere ganw ke kheton mein bhuk ugne lagi

mere kisanon ne shahron mein naukri kar li

ġharīb-e-shahr to faaqe se mar gayā 'ārif'

amīr-e-shahr ne hiire se ḳhud-kushī kar lī

gharib-e-shahr to faqe se mar gaya 'arif'

amir-e-shahr ne hire se KHud-kushi kar li

apne darvāze pe ḳhud hī dastakeñ detā hai vo

ajnabī lahje meñ phir vo pūchhtā hai kaun hai

apne darwaze pe KHud hi dastaken deta hai wo

ajnabi lahje mein phir wo puchhta hai kaun hai

kaisā mātam kaisā ronā miTTī kā

TuuT gayā hai ek khilaunā miTTī kā

kaisa matam kaisa rona miTTi ka

TuT gaya hai ek khilauna miTTi ka

andhe adam vajūd ke girdāb se nikal

ye zindagī bhī ḳhvāb hai tū ḳhvāb se nikal

andhe adam wajud ke girdab se nikal

ye zindagi bhi KHwab hai tu KHwab se nikal

tujhe maiñ zindagī apnī samajh rahā thā magar

tire baġhair basar maiñ ne zindagī kar lī

tujhe main zindagi apni samajh raha tha magar

tere baghair basar main ne zindagi kar li

mujh ko vaisā ḳhudā milā bilkul

maiñ ne 'ārif' kiyā gumāñ jaisā

mujh ko waisa KHuda mila bilkul

main ne 'arif' kiya guman jaisa

'ārif'-husain dhokā sahī apnī zindagī

is zindagī ke ba.ad kī hālat bhī hai fareb

'arif'-husain dhoka sahi apni zindagi

is zindagi ke baad ki haalat bhi hai fareb