bahut udaas thā us din magar huā kyā thā

har ek baat bhalī thī to phir burā kyā thā

bahut udas tha us din magar hua kya tha

har ek baat bhali thi to phir bura kya tha

dasht kī dhuup hai jañgal kī ghanī rāteñ haiñ

is kahānī meñ bahr haal ka.ī bāteñ haiñ

dasht ki dhup hai jangal ki ghani raaten hain

is kahani mein bahr haal kai baaten hain

dosto tum se guzārish hai yahāñ mat aao

is baḌe shahr meñ tanhā.ī bhī mar jaatī hai

dosto tum se guzarish hai yahan mat aao

is baDe shahr mein tanhai bhi mar jati hai

raat aa jaa.e to phir tujh ko pukārūñ yā-rab

merī āvāz ujāle meñ bikhar jaatī hai

raat aa jae to phir tujh ko pukarun ya-rab

meri aawaz ujale mein bikhar jati hai

ḳhudā ābād rakkhe zindagī ko

hamārī ḳhāmushī ko sah ga.ī hai

KHuda aabaad rakkhe zindagi ko

hamari KHamushi ko sah gai hai

ghaḌī jo biit ga.ī us kā bhī shumār kiyā

nisāb-e-jāñ meñ tirī ḳhāmushī bhī shāmil kī

ghaDi jo bit gai us ka bhi shumar kiya

nisab-e-jaan mein teri KHamushi bhi shamil ki

aahaT bhī agar kī to tah-e-zāt nahīñ kī

lafzoñ ne ka.ī din se koī baat nahīñ kī

aahaT bhi agar ki to tah-e-zat nahin ki

lafzon ne kai din se koi baat nahin ki

uTh uTh ke āsmāñ ko batātī hai dhuul kyuuñ

miTTī meñ dafn ho ga.e kitne sadaf yahāñ

uTh uTh ke aasman ko batati hai dhul kyun

miTTi mein dafn ho gae kitne sadaf yahan

kin kin kī ātmā.eñ pahāḌoñ meñ qaid haiñ

āvāz do to bajte haiñ patthar ke daf yahāñ

kin kin ki aatmaen pahaDon mein qaid hain

aawaz do to bajte hain patthar ke daf yahan

kyā kahānī ko isī moḌ pa ruknā hogā

raushnī hai na samundar hai na barsāteñ haiñ

kya kahani ko isi moD pa rukna hoga

raushni hai na samundar hai na barsaten hain

jumbish-e-mehr hai har lafz tirī bātoñ kā

rañg uḌtā nahīñ āñkhoñ se mulāqātoñ kā

jumbish-e-mehr hai har lafz teri baaton ka

rang uDta nahin aankhon se mulaqaton ka

khultī haiñ āsmāñ meñ samundar kī khiḌkiyāñ

be-dīn rāstoñ pe kahīñ apnā ghar to hai

khulti hain aasman mein samundar ki khiDkiyan

be-din raston pe kahin apna ghar to hai