garmī-e-husn kī mid.hat kā silā lete haiñ

mish.aleñ aap ke saa.e se jalā lete haiñ

garmi-e-husn ki midhat ka sila lete hain

mishalen aap ke sae se jala lete hain

jaatī hai duur baat nikal kar zabān se

phirtā nahīñ vo tiir jo niklā kamān se

jati hai dur baat nikal kar zaban se

phirta nahin wo tir jo nikla kaman se

bose haiñ be-hisāb har din ke

va.ade kyuuñ Tālte ho gin gin ke

bose hain be-hisab har din ke

wade kyun Talte ho gin gin ke

bhaTke phire do amla-e-dair-o-haram meñ ham

is samt kufr us taraf islām le gayā

bhaTke phire do amla-e-dair-o-haram mein hum

is samt kufr us taraf islam le gaya

ai but ye hai namāz ki hai ghaat qatl kī

niyyat adā kī hai ki ishāre qazā ke haiñ

ai but ye hai namaz ki hai ghat qatl ki

niyyat ada ki hai ki ishaare qaza ke hain

dekhā hai āshiqoñ ne barahman kī aañkh se

har but ḳhudā hai chāhne vāloñ ke sāmne

dekha hai aashiqon ne barahman ki aankh se

har but KHuda hai chahne walon ke samne

bosa hoñToñ kā mil gayā kis ko

dil meñ kuchh aaj dard mīThā hai

bosa honTon ka mil gaya kis ko

dil mein kuchh aaj dard miTha hai

shaiḳh le hai raah ka.abe kī barahman dair kī

ishq kā rasta judā hai kufr aur islām se

shaiKH le hai rah kabe ki barahman dair ki

ishq ka rasta juda hai kufr aur islam se

kabhī payām na bhejā butoñ ne mere paas

ḳhudā haiñ kaise ki paiġhāmbar nahīñ rakhte

kabhi payam na bheja buton ne mere pas

KHuda hain kaise ki paighambar nahin rakhte

ehsān nahīñ ḳhvāb meñ aa.e jo mire paas

chorī kī mulāqāt mulāqāt nahīñ hai

ehsan nahin KHwab mein aae jo mere pas

chori ki mulaqat mulaqat nahin hai

shukr hai jaama se bāhar vo huā ġhusse meñ

jo ki parde meñ bhī uryāñ na huā thā so huā

shukr hai jama se bahar wo hua ghusse mein

jo ki parde mein bhi uryan na hua tha so hua

maiñ justujū se kufr meñ pahuñchā ḳhudā ke paas

ka.abe tak in butoñ kā mujhe naam le gayā

main justuju se kufr mein pahuncha KHuda ke pas

kabe tak in buton ka mujhe nam le gaya

jaan kar us but kā ghar ka.aba ko sajda kar liyā

ai barahman mujh ko baitullāh ne dhokā diyā

jaan kar us but ka ghar kaba ko sajda kar liya

ai barahman mujh ko baitullah ne dhoka diya

shabnam kī hai añgiyā tale añgiyā kī pasīna

kyā lutf hai shabnam tah-e-shabnam nazar aa.ī

shabnam ki hai angiya tale angiya ki pasina

kya lutf hai shabnam tah-e-shabnam nazar aai

surḳhī shafaq kī zard ho gāloñ ke sāmne

paanī bhare ghaTā tire bāloñ ke sāmne

surKHi shafaq ki zard ho galon ke samne

pani bhare ghaTa tere baalon ke samne

āñkhoñ meñ nahīñ silsila-e-ashk shab-o-roz

tasbīh paḌhā karte haiñ din raat tumhārī

aankhon mein nahin silsila-e-ashk shab-o-roz

tasbih paDha karte hain din raat tumhaari

chehra tamām surḳh hai mahram ke rañg se

añgiyā kā paan dekh ke muñh laal ho gayā

chehra tamam surKH hai mahram ke rang se

angiya ka pan dekh ke munh lal ho gaya

us but ke nahāne se huā saaf ye paanī

motī bhī sadaf meñ tah-e-dariyā nazar aayā

us but ke nahane se hua saf ye pani

moti bhi sadaf mein tah-e-dariya nazar aaya

zāhido puujā tumhārī ḳhuub hogī hashr meñ

but banā degī tumheñ ye haq-parastī ek din

zahido puja tumhaari KHub hogi hashr mein

but bana degi tumhein ye haq-parasti ek din

āñkheñ ḳhudā ne baḳhshī haiñ rone ke vāste

do kashtiyāñ milī haiñ Dubone ke vāste

aankhen KHuda ne baKHshi hain rone ke waste

do kashtiyan mili hain Dubone ke waste