کھڑا ہوں آج بھی روٹی کے چار حرف لیے

سوال یہ ہے کتابوں نے کیا دیا مجھ کو

خوب گئے پردیس کہ اپنے دیوار و در بھول گئے

شیش محل نے ایسا گھیرا مٹی کے گھر بھول گئے

اس لیے چل نہ سکا کوئی بھی خنجر مجھ پر

میری شہ رگ پہ مری ماں کی دعا رکھی تھی

زخم کتنے تری چاہت سے ملے ہیں مجھ کو

سوچتا ہوں کہ کہوں تجھ سے مگر جانے دے

اپنی آنکھوں کے سمندر میں اتر جانے دے

تیرا مجرم ہوں مجھے ڈوب کے مر جانے دے

آگ دنیا کی لگائی ہوئی بجھ جائے گی

کوئی آنسو مرے دامن پہ بکھر جانے دے

کسی نے ہاتھ بڑھایا ہے دوستی کے لیے

پھر ایک بار خدا اعتبار دے مجھ کو

ساتھ چلنا ہے تو پھر چھوڑ دے ساری دنیا

چل نہ پائے تو مجھے لوٹ کے گھر جانے دے

میں ایک ذرہ بلندی کو چھونے نکلا تھا

ہوا نے تھم کے زمیں پر گرا دیا مجھ کو

تا عمر پھر نہ ہوگی اجالوں کی آرزو

تو بھی کسی چراغ کی لو سے لپٹ کے دیکھ

میں نے دنیا چھوڑ دی لیکن مرا مردہ بدن

ایک الجھن کی طرح قاتل کی نظروں میں رہا

یاد نہیں کیا کیا دیکھا تھا سارے منظر بھول گئے

اس کی گلیوں سے جب لوٹے اپنا بھی گھر بھول گئے

آ گیا یاد انہیں اپنے کسی غم کا حساب

ہنسنے والوں نے مرے اشک جو گن کے دیکھے