tumhāre saath ik duniyā khaḌī hai

hamāre saath to ham bhī nahīñ haiñ

tumhaare sath ek duniya khaDi hai

hamare sath to hum bhi nahin hain

maiñ kaaTā jā.ūñgā sab ko 'azīz hote hue

saḌak ke biich meñ aayā huā daraḳht huuñ maiñ

main kaTa jaunga sab ko 'aziz hote hue

saDak ke bich mein aaya hua daraKHt hun main

zeb detā hai use itnā taġhāful mujh se

vo kahīñ aur bhī masrūf-e-vafā hai shāyad

zeb deta hai use itna taghaful mujh se

wo kahin aur bhi masruf-e-wafa hai shayad

hamāre baa'd bhī tum qahqahe lagāte ho

tumhāre baa'd to ham baat bhī nahīñ karte

hamare ba'd bhi tum qahqahe lagate ho

tumhaare ba'd to hum baat bhi nahin karte

mujh pe khultā na kabhī lafz-e-mohabbat maiñ ne

maañ ko dekhā to samajh aa.ī mohabbat kyā hai

mujh pe khulta na kabhi lafz-e-mohabbat main ne

man ko dekha to samajh aai mohabbat kya hai

maiñ ki mahrūm thā āvāz kī rā'nā.ī se

tum jo aa.e ho to ehsās bhī sun saktā huuñ

main ki mahrum tha aawaz ki ra'nai se

tum jo aae ho to ehsas bhi sun sakta hun

ye lamha jis meñ ham aaj chhup kar gale mile haiñ

agar muqaddar nahīñ milā to sazā banegā

ye lamha jis mein hum aaj chhup kar gale mile hain

agar muqaddar nahin mila to saza banega

lafz-e-ehsās ko tasvīr nahīñ kar sakte

'ishq duniyā kī zabānoñ se baḌā hai shāyad

lafz-e-ehsas ko taswir nahin kar sakte

'ishq duniya ki zabanon se baDa hai shayad

ham ko ḳhushiyāñ bhī udāsī ke lifāfe meñ milīñ

ham sā bad-baḳht zamāne meñ nahīñ hai koī

hum ko KHushiyan bhi udasi ke lifafe mein milin

hum sa bad-baKHt zamane mein nahin hai koi