jaane kyuuñ log mirā naam paḌhā karte haiñ

maiñ ne chehre pe tire yuuñ to likhā kuchh bhī nahīñ

jaane kyun log mera nam paDha karte hain

main ne chehre pe tere yun to likha kuchh bhi nahin

chhupī hai an-ginat chiñgāriyāñ lafzoñ ke dāman meñ

zarā paḌhnā ġhazal kī ye kitāb āhista āhista

chhupi hai an-ginat chingariyan lafzon ke daman mein

zara paDhna ghazal ki ye kitab aahista aahista

shaam huī to sūraj soche

saarā din bekār jale the

sham hui to suraj soche

sara din bekar jale the

terī chāhat kī hai itnī shiddat

pā liyā tujh ko to mar jā.ūñgā

teri chahat ki hai itni shiddat

pa liya tujh ko to mar jaunga

pahlī saañs pe maiñ royā thā āḳhirī saañs pe duniyā

in sāñsoñ ke biich meñ ham ne kyā khoyā kyā paayā

pahli sans pe main roya tha aaKHiri sans pe duniya

in sanson ke bich mein hum ne kya khoya kya paya

merī shohrat ke pīchhe hai

haath bahut rusvā.ī kā

meri shohrat ke pichhe hai

hath bahut ruswai ka

tere mere biich nahīñ hai ḳhuun kā rishta phir bhī kyuuñ

terī aañkh ke saare aañsū merī aañkh se bahte haiñ

tere mere bich nahin hai KHun ka rishta phir bhi kyun

teri aankh ke sare aansu meri aankh se bahte hain

kaise tanhā raat kaTegī

yādoñ kī gaThrī hī kholeñ

kaise tanha raat kaTegi

yaadon ki gaThri hi kholen

jis par tamām umr bahut naaz thā mujhe

merā vo ilm merī sifārish na ban sakā

jis par tamam umr bahut naz tha mujhe

mera wo ilm meri sifarish na ban saka

saarī be-rañg soch ke chehre

lafz pahneñ to phir nikharte haiñ

sari be-rang soch ke chehre

lafz pahnen to phir nikharte hain

maiñ to sab kuchh bhuul chukā huuñ

tū bhūle to baat barābar

main to sab kuchh bhul chuka hun

tu bhule to baat barabar

kuchh rishte haiñ jin kī ḳhātir

jiite jī marnā hotā hai

kuchh rishte hain jin ki KHatir

jite ji marna hota hai

rañg terā uḌā uḌā sā hai

lag ga.ī hai tujhe nazar shāyad

rang tera uDa uDa sa hai

lag gai hai tujhe nazar shayad

shañkar banā ke log mujhe pūjte rahe

majbūriyoñ meñ zahr nigalnā paḌā mujhe

shankar bana ke log mujhe pujte rahe

majburiyon mein zahr nigalna paDa mujhe

aag lagā.ī tum ne hī to

logoñ ne to sirf havā dī

aag lagai tum ne hi to

logon ne to sirf hawa di

saarī saarī raat maiñ jaagā

vo merī āñkhoñ meñ soyā

sari sari raat main jaga

wo meri aankhon mein soya

khel-kūd kar shaam Dhale kyuuñ

apne ghar ko jaatī dhuup

khel-kud kar sham Dhale kyun

apne ghar ko jati dhup

mujh ko yaad rahā tū bhūlā

baat hai ye to aadat kī

mujh ko yaad raha tu bhula

baat hai ye to aadat ki

bhiik de kar na jaane kyā leñge

ik bhikāran Darī Darī soche

bhik de kar na jaane kya lenge

ek bhikaran Dari Dari soche