kuchh log the safar meñ magar ham-zabāñ na the

hai lutf guftugū kā jo apnī zabāñ meñ ho

kuchh log the safar mein magar ham-zaban na the

hai lutf guftugu ka jo apni zaban mein ho

ye ḳhud-navisht to mujh ko adhūrī lagtī hai

jo ho sake to nayā intisāb māñgūñ maiñ

ye KHud-nawisht to mujh ko adhuri lagti hai

jo ho sake to naya intisab mangun main

maiñ apne saare savāloñ ke jāntā huuñ javāb

mirā savāl mire zehn kī sharārat hai

main apne sare sawalon ke jaanta hun jawab

mera sawal mere zehn ki shararat hai

maiñ duur duur se ḳhud ko uThā ke laatā rahā

ki TuuT jā.ūñ to phir duur tak bikhartā huuñ

main dur dur se KHud ko uTha ke lata raha

ki TuT jaun to phir dur tak bikharta hun

ibtidā mujh meñ intihā mujh meñ

ik mukammal hai vāqi.a mujh meñ

ibtida mujh mein intiha mujh mein

ek mukammal hai waqia mujh mein

tū merī tishna-labī par savāl kartā hai

samundaroñ pe banāyā thā apnā ghar maiñ ne

tu meri tishna-labi par sawal karta hai

samundaron pe banaya tha apna ghar main ne

jab ā.īne dar-o-dīvār par nikal aa.eñ

to shahr-e-zāt meñ rahnā bhī ik qayāmat hai

jab aaine dar-o-diwar par nikal aaen

to shahr-e-zat mein rahna bhi ek qayamat hai

chīzeñ apnī jagah pe rahtī haiñ

tīrgī bas unheñ chhupātī hai

chizen apni jagah pe rahti hain

tirgi bas unhen chhupati hai