dost ban ban ke mile mujh ko miTāne vaale

maiñ ne dekhe haiñ ka.ī rañg zamāne vaale

dost ban ban ke mile mujh ko miTane wale

main ne dekhe hain kai rang zamane wale

tum nahīñ ġham nahīñ sharāb nahīñ

aisī tanhā.ī kā javāb nahīñ

tum nahin gham nahin sharab nahin

aisi tanhai ka jawab nahin

gaahe gaahe ise paḌhā kījiye

dil se behtar koī kitāb nahīñ

gahe gahe ise paDha kijiye

dil se behtar koi kitab nahin

rusvā.ī to vaise bhī taqdīr hai āshiq kī

zillat bhī milī ham ko ulfat ke fasāne se

ruswai to waise bhi taqdir hai aashiq ki

zillat bhi mili hum ko ulfat ke fasane se

mere jaise ban jāoge jab ishq tumheñ ho jā.egā

dīvāroñ se sar Takrāoge jab ishq tumheñ ho jā.egā

mere jaise ban jaoge jab ishq tumhein ho jaega

diwaron se sar Takraoge jab ishq tumhein ho jaega

maiñ na piitā to tirā likhkhā ġhalat ho jaatā

tere likkhe ko nibhāyā kyā ḳhatā kī maiñ ne

main na pita to tera likhkha ghalat ho jata

tere likkhe ko nibhaya kya KHata ki main ne

ḳhvāb saare takiye pe chain kī hoñ sote niiñd

'mīr' jī ke jaisā hī rog ham ne paalā ho

KHwab sare takiye pe chain ki hon sote nind

'mir' ji ke jaisa hi rog hum ne pala ho

koī mojazātī sā ek dil-rubā lamha

us ke hoñT khul jaa.eñ mere lab pe taalā ho

koi mojazati sa ek dil-ruba lamha

us ke honT khul jaen mere lab pe tala ho