kuchh aisā ho ki tasvīroñ meñ jal jaa.e tasavvur bhī

mohabbat yaad aa.egī to shikve yaad ā.eñge

kuchh aisa ho ki taswiron mein jal jae tasawwur bhi

mohabbat yaad aaegi to shikwe yaad aaenge

fikr o ehsās ke tapte hue manzar tak aa

mere lafzoñ meñ utar kar mire andar tak aa

fikr o ehsas ke tapte hue manzar tak aa

mere lafzon mein utar kar mere andar tak aa

aaj dīvāne kā zauq-e-dīd puurā ho gayā

tujh ko dekhā aur us ke ba.ad andhā ho gayā

aaj diwane ka zauq-e-did pura ho gaya

tujh ko dekha aur us ke baad andha ho gaya

bādshāhat ke maze haiñ ḳhāksārī meñ 'salīm'

ye nazāra yaar ke kūche meñ rah ke dekhnā

baadshahat ke maze hain KHaksari mein 'salim'

ye nazara yar ke kuche mein rah ke dekhna

nuur kī shāḳh se TuuTā huā pattā huuñ maiñ

vaqt kī dhuup meñ ma.adūm huā jaatā huuñ

nur ki shaKH se TuTa hua patta hun main

waqt ki dhup mein madum hua jata hun

'ġhālib'-e-dānā se pūchho ishq meñ paḌ kar salīm

ek ma.aqūl aadmī kaise nikammā ho gayā

'ghaalib'-e-dana se puchho ishq mein paD kar salim

ek maqul aadmi kaise nikamma ho gaya

vaqt ke sahrā meñ nañge paañv Thahre ho 'salīm'

dhuup kī shiddat yakāyak baḌh na jaa.e chal paḌo

waqt ke sahra mein nange panw Thahre ho 'salim'

dhup ki shiddat yakayak baDh na jae chal paDo