ye zindagī jo pukāre to shak sā hotā hai

kahīñ abhī to mujhe ḳhud-kushī nahīñ karnī

ye zindagi jo pukare to shak sa hota hai

kahin abhi to mujhe KHud-kushi nahin karni

saarā ġhussa ab bas is kaam aatā hai

ham is se cigarette sulgāyā karte haiñ

sara ghussa ab bas is kaam aata hai

hum is se cigarette sulgaya karte hain

baḌe hī ġhusse meñ ye kah ke us ne vasl kiyā

mujhe to tum se koī baat hī nahīñ karnī

baDe hi ghusse mein ye kah ke us ne wasl kiya

mujhe to tum se koi baat hi nahin karni

aur kam yaad aaogī agle baras tum

ab ke kam yaad aa.ī ho pichhle baras se

aur kam yaad aaogi agle baras tum

ab ke kam yaad aai ho pichhle baras se

mere tāvīz meñ jo kāġhaz hai

us pe likkhā hai mohabbat karnā

mere tawiz mein jo kaghaz hai

us pe likkha hai mohabbat karna

ujāloñ meñ chhupī thī ek laḌkī

falak kā rañg-roġhan kar ga.ī hai

ujalon mein chhupi thi ek laDki

falak ka rang-roghan kar gai hai

agar dobāra banī ye duniyā

to pahle terī galī banegī

agar dobara bani ye duniya

to pahle teri gali banegi

kab tak chunarī par hī zulm hoñ rañgoñ ke

rañgreza terī bhī qabā par barse rañg

kab tak chunari par hi zulm hon rangon ke

rangreza teri bhi qaba par barse rang

niiñd kā rasta chhoTā hai

jis meñ ḳhvāb kī Thokar hai

nind ka rasta chhoTa hai

jis mein KHwab ki Thokar hai

shāḳh par shab kī lage is chāñd meñ hai dhuup jo

vo mirī ā.ankhoñ kī hai so vo samar merā bhī hai

shaKH par shab ki lage is chand mein hai dhup jo

wo meri aaankhon ki hai so wo samar mera bhi hai

khule milte haiñ mujh ko dar hamesha

mire hāthoñ meñ dastak bhar ga.ī hai

khule milte hain mujh ko dar hamesha

mere hathon mein dastak bhar gai hai

kis ne raste meñ ye umiid rakhī

is se Takrā ke gir paḌeñge ham

kis ne raste mein ye umid rakhi

is se Takra ke gir paDenge hum

mere 'anāsir ḳhaak na hoñ bas rang baneñ

aur jangal sahrā dariyā par barse rang

mere 'anasir KHak na hon bas rang banen

aur jangal sahra dariya par barse rang