کی تلاش کا نتیجه | موضو - نظم, صفحہ .qos

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ ".qos"

نظم کے متعلقہ نتیجہ ".qos"

نظم

شہر تمنا کے مرکز میں لگا ہوا ہے میلا سا
کھیل کھلونوں کا ہر سو ہے اک رنگیں گل زار کھلا
وہ اک بالک جس کو گھر سے اک درہم بھی نہیں ملا
میلے کی سج دھج میں کھو کر باپ کی انگلی چھوڑ گیا
ہوش آیا تو خود کو تنہا پا کے بہت حیران ہوا
بھیڑ میں راہ ملی نہیں گھر کی اس آباد خرابے میں
دیکھو ہم نے کیسے بسر کی اس آباد خرابے میں

اختر الایمان

نظم

کیا گیت ہیں وہ کوہیاروں کے
کیا گھائل ان کی بانی ہے
کیا لاج رنگی وہ پھٹی چادر
جو تھرکی تپت نے تانی ہے
وہ گھاؤ گھاؤ تن ان کے
پر نس نس میں اگنی دہکی
وہ باٹ گھری سنگینوں سے
اور جھپٹ شکاری کتوں کی

فہمیدہ ریاض

نظم

اس کے آگے مگر
تھے عجب سلسلے
پھر کڑے کوس تھے
پھر کٹھن تھی ڈگر

خورشید اکبر

نظم

حرف
گویائی کی زنجیر میں جب قید ہوا
اسم بنا
عہد بنا
نظم بنا
قصۂ کام و دہن کا غم مطلوب بنا
خوب و نا خوب بنا
حرف نا گفتہ
مگر ذہن کا آزار بنا
دل کی دیوار بنا
راہ دشوار بنا
قصۂ شوق کی وارفتہ کہانی نہ بنا
حیلۂ وصل کی غم دیدہ نشانی نہ بنا
وار ہے منزل گویائی
سبھی جانتے ہیں
حرف نا گفتہ کے یہ زخم مگر میرے ہیں
جن کو تنہائی مری
مجھ سے سوا جانتی ہے

کشور ناہید

نظم

خوشیوں کا مکھ چوم کے دیکھا دنیا مان بھری
دکھ وہ سجن کٹھور کہ جس کو روح کرے سجدہ

مجید امجد

نظم

پچھلے پینتالیس کڑے کوسوں میں کیا کیا موڑ آئے ہیں
ہر چوراہا
کیا کیا وہم و گماں لایا ہے
کیا آوازیں
کانوں کے پردوں کو اکثر چھید گئی ہیں
کیا کیا منظر
دھند بھری آنکھوں نے دیکھے
کیسی ضربیں ذہن نے کھائیں
کتنے کوس ابھی چلنا ہے
کیا چوراہے کیسی چوٹیں
وہم و گماں آوازیں منظر
میرا رستہ دیکھے رہے ہیں
ان کو گننا ان کی فکر میں ڈوبے رہنا لا حاصل ہے
اصلی بات بس اتنی سی ہے
ختم سفر تک
اپنی لاش کو کاندھا دینے کی توفیق نہیں ہے مجھ میں
اور اس سے بچنے کی کوئی صورت نہیں ہے

بلراج کومل

نظم

کہاں سے پھیلا ہوا ہے یہ سلسلہ کہاں تک
گزر گیا سیل ہمتوں کا
بنا کے یہ کوس کوس صدیوں کی رہ گزر سی
پہاڑ چلا چڑھی کمانوں سے تیر پھینکیں
تو آسماں گر پڑے زمیں پر
رواں دواں وقت کے بہاؤ میں
ایک لمبی دراڑ جیسے پڑی ہوئی ہے
عظیم دیوار سر اٹھائے کھڑی ہوئی ہے
جھکے ہوئے آسمان کے نیچے
جو اس صحیفے کو عکس در عکس بانٹتا ہے
یہ رزمیہ جو لہو کی شفاف روشنی سے
لکھا گیا ہے
زمیں پہ چنگاریاں اڑاتے ہوئے وہ آئے
جو بازوؤں سے بلندیوں کا خراج
لیتے رہے
شکم کو اناج دے کر
مشقتیں جن کی باندیاں تھیں
لہو کے نمکین ذائقے
رقص کرتے رہتے تھے
جن کے ہونٹوں کے آستاں پر
کڑکتی آواز جبر کے چابکوں کی بجلی
انہی پہاڑوں پہ کوندتی تھی
یہیں پہ محنت کے نقش گر نے
لہو کے پانی میں سنگ گوندھے
صدائے تیشہ اٹھی تو کوہوں سے پھوٹ نکلیں
بقا کی نہریں
زمیں کو اس کی بلندیوں کی طرف اٹھایا
افق کو باندھا افق سے اس نے
قدیم قوت کے رخش نے دس ہزار لی مسافتوں میں
فنا کے تاتاریوں کے لشکر کو مات دے دی
یہیں پہ محنت کے نقش گر نے
سلوں کو پہنا دیے سلاسل
بٹے ہوئے خود گرفت قلعوں کی باڑ توڑی
اسی نے کوہوں کے سر پہ گاڑھا
ہزیمتوں نصرتوں کا پرچم
کشود کر کے جسے اڑایا
کئی زمانوں کے وارثوں نے
جو اڑ رہا ہے
نشیب کو آسماں کی جانب اڑا رہا ہے
جو کل کو کل سے ملا رہا ہے

آفتاب اقبال شمیم

نظم

رخصت کے رخساروں پر
آنسو بن کر گرتے
لمحے کے ہاتھوں میں
اپنے ہونے کا آئینہ دے
میں اس کانچ بدن سے
بے نام اندیشوں کا
زنگار کھرچ ڈالوں
اور اجلے پانی میں دیکھ سکوں
ہجر نگر کے تپتے سورج کے نیچے
عمر سفر کا صحرا کتنے کوس پڑا ہے

سعید احمد

نظم

آخری کوس مجھے آج ہی طے کرنا ہے
اور اس لمبے سفر کا یہ کڑا کوس مجھے
اس قدر لمبا بڑھانا ہے کہ اب سے پہلے
جو بھی کچھ گزرا ہے ماضی میں اسے پھر اک بار
حاضر و ناظر و موجود سا میں جھیل سکوں
عرصۂ غائب و معدوم سے اس لمحے تک
وادیاں جھرنے چراگاہیں مویشی پنچھی
کھیت کھلیان چھپر کھٹ مرے گھر کا دالان
گاؤں کی گلیاں مکاں لوگ دکانیں بازار
اور پھر شہر کی سڑکیں بسوں کاروں کا شور
عمر بڑھتی ہوئی بچپن سے لڑکپن کی طرف
اور لڑکپن کی وہ نا پختہ بلوغت جس میں
مجھ کو احساس ہوا تھا کہ کوئی اور بھی ہے
زندگی ساری جسے ساتھ مرے چلنا ہے
کیسا شوریدہ سر طوفان تھا طغیانی تھی
جس نے اک باؤلے انسان کو بے رحمی سے
دور انجانے سے پردیس میں لا پٹخا تھا
اور پھر پا بہ رکاب آگے ہی آگے کی طرف
سر پہ سامان اٹھائے ہوئے بنجاروں سا
ڈنڈی پگڈنڈی سڑک نقل و حمل حرکت و کوچ
کیسی آیند ورود تھی یہ مہم جو ہجرت
جس میں سیماب قدم چلتا رہا ہوں برسوں

ستیہ پال آنند

نظم

سنو کثرت خاک میں بسنے والو
سنو توسن برق رفتار پر کاٹھیاں کسنے والو
یہ پھر کون سے معرکے کا ارادہ
تمہاری نسوں میں یہ کس خواب فاتح کا پھر باب وحشت کھلا ہے
فصیلوں پہ اک پرچم خوں چکاں گاڑ دینے کی نیت
کئی لاکھ مفتوح جسموں کو پھر حالت سینہ کوبی میں روتے ہوئے دیکھنے کی تمنا
یہ کس آب دیوانگی سے بدن کا سبو بھر رہے ہو
سنو تم بڑی بد نما رات کی دھند میں فیصلہ کر رہے ہو
ادھر سینکڑوں کوس پر اک پہاڑی ہے جس پر کوئی شے نہیں ہے
وہاں ہر طرف سے تمہیں آگ کے غول گھیرے میں لینے کی خاطر کھڑے ہیں
ابھی وقت ہے لوٹ جاؤ
سنو عجلت فکر میں کوئی بھی کام انجام پاتا نہیں
پھر کسی ساعت شب گرفتہ میں کوئی ستارا بلاتا نہیں

رفیق سندیلوی

نظم

آج بھی رات سونے سے پہلے
میرے بیٹے نے مجھ سے کہا میں اسے کوئی اچھی کہانی سناؤں
تو میں نے اسے ایک دل کش جزیرے میں اچھے گزرتے دنوں کی کہانی سنائی
جو مجھ سے مرے باپ نے یہ کہی اور اس نے وراثت میں اس داستان کو سنا
ہم نے بچپن میں سر سبز و شاداب نیلے جزیرے میں پریوں پھلوں اور پھولوں
چہکتی ہوئی بلبلوں کی کہانی سنی تھی
جزیرہ سمندر کی آزاد لہریں جہاں ناچتی ہیں
جہاں امن ہی امن ہے چین ہی چین ہے
ہر نیا دن بشارت کی بارات بن کر اترتا ہے
میرا بیٹا جو سویا ہوا ہے کہیں تتلیوں کے تعاقب میں بے چین ہے
ہم سبھی آنکھ موندے ہوئے تتلیوں کے تکہ کب بے بے چین ہیں
کہ شاید اندھیرے میں لپٹے ہوئے سبز باغوں کے قصے یہ نیلا جزیرہ
کتابوں میں دانش کی ہر لوح پر غیر مفہوم الفاظ ہیں
کئی منچلے منچلوں کے گروہ اس جزیرے کے لمبے سفر پر گئے اور پلٹ کر نہ آئے
میرا بیٹا جو سویا ہوا تتلیوں کے تکہ کب بے بے چین ہے
میں اسے بھی سفر پر گیا اور پلٹ کر نہ آتا ہوا دیکھتا ہوں
ہم نے صدیوں سے پاؤں کو ہاتھوں کو سینوں کو بے درد میخوں سے چھلنی کیا
اور لہو کی طرح سرخ لوہے سے اپنی زبانوں کو داغا
مگر وہ جزیرہ پہاڑوں کی جانب سفر تھا
کہ چلتے تو وہ دور ہی دور جاتا
ٹھہرتے تو جیسے وہ نزدیک آتا
یوں ہی نسل در نسل ہم نے اندھیرے میں لپٹے ہوئے ان جزیروں کی باتیں کہیں
اور ان جھوٹ کی جھالروں حاشیوں کو اٹھائے رکھا
نسل در نسل ہم قافلہ قافلہ بیل کندھے بدلتے حسیں جھوٹ کی یہ صلیبیں اٹھاتے رہے
میں کہ جامد ذہانت کا قائل نہیں
ہم نے اپنے سے پہلوں کے علم و فراست کی تشریح و تاویل میں اپنی رگ رگ سے
ساری ذہانت کو غارت کیا
ہم نے اپنے بزرگوں کی خفت مٹانے چھپانے کی خاطر لہو مومیائی کیا
کسی نے کہا وہ جزیرہ سمندر کے اس پار ہے
اور ہم نسل در نسل ڈوبی ہوئی کشتیاں بن گئے
کسی نے کہا وہ جزیرہ افق سے پرے آخری فاصلے کے دھوئیں میں چھپا ہے
اور ہم قہر صحرا میں بارات بردار ٹوٹا ہوا قافلہ بن گئے
مگر وہ جزیرہ عجب دلدلوں کا سفر ہے
کہ سو کوس جائیں تو جیسے فقط دو قدم ہی چلے ہیں
مگر وہ جزیرہ پہاڑوں کی جانب سفر ہے
کہ جائیں تو وہ دور ہی دور جائے
جو ٹھہریں تو جیسے وہ نزدیک آئے

سرور کامران

نظم

اس نے جب پہلا حملہ کیا
تو میں چپ رہا
کیونکہ میں محفوظ تھا
اس نے جب دوسرا حملہ کیا
تو میں تھوڑا سا سوچنے لگا لیکن چپ رہا
کیونکہ میں محفوظ تھا
پھر میری خود غرضی نے مجھے بے حس کر دیا
وہ لگاتار حملہ کرتا رہا اور
میں لگاتار خود کو محفوظ سمجھ کر چپ رہا
نہ صرف چپ رہا بلکہ
ہمیشہ اپنے ہی لوگوں کو
جذباتی اور بے صبر کہتا رہا
مگر
اب جبکہ میری خود ساختہ سوچ کے ساتھ ساتھ
میری گردن بھی اپنی مرضی سے ہل نہیں سکتی ہے
تو میرا ضمیر بار بار کوس رہا ہے
کہ تو نہ اب اپنوں کا رہا نہ غیروں کا
کیونکہ تو اپنوں کی خوبیوں کو نظر انداز کرتا رہا
اور غیروں کی خامیوں کو بہانہ بازی سے پسند کرتا رہا
اب میرا وجود گم ہو چکا ہے
کیونکہ
میں اپنوں سے دور ہو کر سراب کے چشموں میں
اپنوں کی صورتیں تلاش کر رہا ہوں

ریاض توحیدی

نظم

نہ ہندو نہ مسلم بول
مجرم کو بس مجرم بول

صدا انبالوی

نظم

چیونٹیاں زمین پر کتنے کوس چلتی ہوں گی
اور کتنی ہمارے پیروں تلے آ کر مسل جاتی ہوں گی
اس کا شمار نہیں

سعید الدین

نظم

کیا اگلا موڑ وصال کا ہے
کیا اگلا حکم دھمال کا ہے
معلوم کرو
معلوم کرو وہ منزل چوتھے کوس پہ ہے
جس منزل پر انکار درون ذات الم
احساس بد دور ہو جائے گا
اور پارہ پارہ جذبوں کی یکجائی سے
اقرار امر ہو جائے گا
جب عمروں کے تخمینوں سے
کچھ قدموں پر
اک بھیڑ لگے گی سانسوں کی
ان سانسوں کی
جو چھن چھن کر کے گرتی ہیں
بیتاب سمے کے سینے پر
اس سینے پر
جس سینے میں کچھ چاندی ہے کچھ سونا ہے
ان نسلوں کا
جو ہم دونوں کے دھیان میں ہیں
اور دست شفا کی صورت ہیں

فرخ یار

نظم

الاؤ جلنے دو
مت بجھاؤ
چٹخنے دو رابطوں کے شیشے
لپکنے دو حرف کی زبانیں
بھڑکنے دو آگ نفرتوں کی
دلوں کی لکڑی جلائے جاؤ
ابھی تعلق کے سرد بستر کو برف کی سل نہیں بناؤ
اگر عداوت بدن کو تاپے تو حرج کیا ہے
ابھی کئی منزلیں پڑی ہیں
ابھی کئی کوس دور ہے صبح کا پڑاؤ
ابھی دہکنے دو حسرتوں کو
الاؤ جلنے دو
مت بجھاؤ

حسن شاہنواز زیدی

نظم

ساجدہ کن یگوں کی مسافت سمیٹے ہوئے
اس بیاباں میں یوں ہی بھٹکتی رہو گی
ان بگولوں کے ہم راہ یوں رقص کرتی رہو گی
کتنے صحراؤں میں تم نے پھوڑے ہیں پاؤں کے چھالے
کتنی بیدار راتوں سے مانگا ہے تم نے خراج تمنا
ساجدہ کچھ کہو
ہجر کی کن زمانوں میں اشکوں کی مالا پروئی
کن حسابوں چکایا قرض جنوں
کون سے مرحلوں سے گزر کر بنا روح کا پیرہن
کس طرح جاں سے گزرے ہیں طوفان غم

ساجدہ زیدی

نظم

بڑا پر ہول رستہ تھا
بدن کے جوہر خفتہ میں کوئی قوت لاہوت مدغم تھی
کسی غول بیابانی کی گردش میرے دست و پا کی محرم تھی
دہان جاں سے خارج ہونے والی بھاپ میں تھے سالمات درد روشن
گزر گاہوں کے سب نا معتبر پتھر
خلا میں اڑنے والی پست مٹی کے سیہ ذرے
پہاڑ اور آئنے سائے کرے پیڑوں کے پتے
پانیوں کی گول لہریں
رات کی لا علم چیزیں
شش جہت کے سب عناصر زور سے پیچھے ہٹے تھے
اور میں آگے ہزاروں کوس آگے بڑھ گیا تھا
اک عجب رفتار میری آگ میں تھی
کس قدر پر ہول رستہ تھا
پڑاؤ کے لیے کتنے جزیرے درمیاں آئے
زمیں مڑ مڑ کے آئی اور اک اک کر کے ساتوں آسماں آئے
مسلسل چل رہا تھا میں
ہوا میں ڈھل رہا تھا میں
مساموں سے شعاع بے نہایت پھوٹی پڑتی تھی
ابد کا اک جڑاؤ تاج میرے سر پہ رکھا تھا
بڑا پر ہول رستہ تھا
کوئی برق شباہت آرزو بردار میری آگ میں تھی
اک عجب رفتار میری آگ میں تھی

رفیق سندیلوی

نظم

کیا بتاؤں تجھے
میں کڑکتی ہوئی دھوپ میں پا برہنہ کہاں تک چلی
میں نے کتنے کڑے کوس کاٹے تو دو گھونٹ پانی ملا

حمیدہ شاہین

نظم

ندامت کی کڑی دھوپ میں نہائے ہوئے
زیست کے اس کڑے کوس پڑاؤ میں
جہاں سیپیاں روشنی کے دخول کے لیے دریچے کھولا نہیں کرتیں سوچتا ہوں
اس بھری دنیا میں تنہا کھڑا
خاکستر حسرتوں کی انگلی تھامے کمہلائے ہوئے
ارماں یوں بھی نکل سکتے تھے موتیوں کی چمک دمک کی چاہ میں در بہ در پھرے بغیر
رشتوں کے تانے بانے توڑ کر
ضعیف و نزار ماں باپ کی منتظر آنکھوں کو پیچھے چھوڑ کے
میں نے اس بڑے شہر کے چکاچوند کے پیچھے بھاگتے بھاگتے
کیا کھویا ہے کیا پایا ہے
سوندھی مٹی کی مہک تازہ گندم کی خوشبو کنویں کا ٹھنڈا پانی
ممتا کا آنچل ماں جائیوں کا پیار بھائیوں کی رعب جمانے والی مار
کتنا ترساتی ہیں مجھے آج
کس قدر گھبراتا تھا میں خوباں سے نظر ملاتے ہوئے
آج اڑ جاتا ہوں میں
شرم آتی نہیں مجھے اپنے گناہ چھپاتے ہوئے
ان سب کا مجرم ہوں میں
اپنے ضمیر کے کٹگھرے میں کھڑا ہوں اپنی ہی روح کو مقید کیے
ہجرت کی صلیب اپنے ناتواں کندھوں پر اٹھائے
کیلیں ساتھ رکھتا ہوں میں
کوئی ہے جو آ کر مجھے سولی پر چڑھائے

پرویز شہریار

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے