کی تلاش کا نتیجه | موضو - نظم, صفحہ bhuulnaa

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "bhuulnaa"

نظم کے متعلقہ نتیجہ "bhuulnaa"

نظم

تعارف روگ ہو جائے تو اس کا بھولنا بہتر
تعلق بوجھ بن جائے تو اس کو توڑنا اچھا
وہ افسانہ جسے انجام تک لانا نہ ہو ممکن
اسے اک خوبصورت موڑ دے کر چھوڑنا اچھا

ساحر لدھیانوی

نظم

پاگل آنکھوں والی لڑکی
اتنے مہنگے خواب نہ دیکھو
تھک جاؤ گی
کانچ سے نازک خواب تمہارے
ٹوٹ گئے تو
پچھتاؤ گی
سوچ کا سارا اجلا کندن
ضبط کی راکھ میں گھل جائے گا
کچے پکے رشتوں کی خوشبو کا ریشم
کھل جائے گا
تم کیا جانو
خواب سفر کی دھوپ کے تیشے
خواب ادھوری رات کا دوزخ
خواب خیالوں کا پچھتاوا
خوابوں کی منزل رسوائی
خوابوں کا حاصل تنہائی
تم کیا جانو
مہنگے خواب خریدنا ہوں تو
آنکھیں بیچنا پڑتی ہیں یا
رشتے بھولنا پڑتے ہیں

محسن نقوی

نظم

میں
کل اور آج کی دنیاؤں میں
کھویا ہوا انساں
کل کو بھولنا چاہوں
تو اس کا بھولنا مشکل ہے
نا ممکن نہیں ہے
سو میں
تنہائی کے لمحوں میں
مشکل کام کرنا چاہتا ہوں
میں نا ممکن کو
ممکن کی حدوں میں قید کرنا چاہتا ہوں

اشفاق حسین

نظم

تمہارے اور اپنے عشق کی ہر کیفیت سے آشنا ہوں میں
مگر جاناں
تمہیں بالکل بھلا دینے کی جانے کیفیت کیا ہے
مجھے محسوس ہوتا ہے
کہ مرگ ذات کے احساس سے بھر جاؤں گا فوراً
تمہیں میں بھولنا چاہوں گا تو مر جاؤں گا فوراً

رحمان فارس

نظم

شکایت نہ کرنا
اگر یہ زمانہ پکارے تمہیں
اور صدا میری آواز کی گونج ہو
شکایت نہ کرنا
اگر لوگ مڑ مڑ کے دیکھیں تمہیں
اور ہر شکل میں میری مسکان تم کو
دکھائی بھی دے اور سنائی بھی دے
شکایت نہ کرنا
اگر ہر زباں پر
تمہارے بجائے مرا نام ہو
تمہیں میری آنکھوں کی تعریف کرتے ہوئے
سوچنا چاہئے تھا
یہاں سانس لیتے ہوئے خواب
ہر آنکھ کے خواب جیسے نہیں ہیں
یہاں خواب آنکھوں سے بہہ جائیں تو
اشک بنتے نہیں ہیں
پگھلتے نہیں ہیں
تمہیں میرے ہاتھوں کی نرمی کو محسوس کرتے ہوئے
بھولنا تو نہیں چاہئے تھا
کہ اک ہاتھ میں ایک خالی ورق
دوسرے میں قلم ہے
شکایت نہ کرنا
اگر خوش نما روشنائی میں پہلے ورق پر
تمہیں لوگ پڑھ لیں

عنبرین صلاح الدین

نظم

سوچتا ہوں کہ ترے پیار کے بدلے مجھ کو
کیا ملا درد و غم و رنج و مصیبت کے سوا
اک تڑپ ایک کسک ایک خلش ہے پیہم
ایک لمحہ بھی سکوں کا نہ مرے پاس رہا
اور تو اجنبی آغوش کی زینت بن کر
اک چمکتی ہوئی فردوس میں جا بیٹھی ہے
رقص کرتے ہیں نئے خواب نگاہوں میں تری
دل سے ماضی کے سبھی نقش مٹا بیٹھی ہے
میری محبوب مرے دل کے سیہ خانے میں
جھلملاتی ہیں تری یاد کی شمعیں اب بھی
آہٹیں تیری تصور میں بسی ہیں اب تک
تیرے جلووں سے سجی ہیں مری نظریں اب بھی
میری تخیل کے خوابیدہ دریچوں سے ابھی
تیری پائل کے چھنکنے کی صدا آتی ہے
میرے احساس پہ لہراتی ہیں زلفیں تیری
جب کبھی جھوم کے ساون کی گھٹا آتی ہے
میں نے ہر چند تجھے بھولنا چاہا لیکن
پھر بھی آنکھوں میں ترے خواب مچل جاتے ہیں
اب تلک بھی مری فکروں کے تراشیدہ خطوط
جانے کیوں تیرے خد و خال میں ڈھل جاتے ہیں
اب یہ سوچا ہے کہ پھر دل میں سمو لوں گا تجھے
جذب کر لوں گا نگاہوں میں ترے نقش حسیں
کیونکہ شاید مری تخلیق مرے فن کا سہاگ
تجھ سے ہے تیری قسم تیرے سوا کچھ بھی نہیں

شاہد اختر

نظم

بھولنا تھا تو یہ اقرار کیا ہی کیوں تھا
بے وفا تو نے مجھے پیار کیا ہی کیوں تھا
صرف دو چار سوالات کا موقع دے دے

قیصر الجعفری

نظم

آ جاؤ یہاں لوٹ مچی ہے آؤ
در و دیوار کو حسرت کی نظر دیکھنا مت بھولنا
اک دوسرے کو روندتے
اک دوسرے کو خون میں بھیگے ہوئے
سر پیٹتے اور چیختے چلاتے سبھی بھاگ رہے ہیں
کوئی آواز نہیں دیتا
یہاں ماؤں اور بہنوں سے اور بیویوں سے
آخری بوسوں کی اجازت ہے
مگر ہارن بجانے کی اجازت نہیں

عباس اطہر

نظم

میں کیا چاہتا ہوں میں کیا چاہتا ہوں
ہر اک چیز کو بھولنا چاہتا ہوں
مری چاہ کو دیکھ کیا چاہتا ہوں
قسم چاہتا ہوں جفا چاہتا ہوں
محبت میں تیری مٹا چاہتا ہوں
فنا ہو کے لطف بقا چاہتا ہوں
وہی پیاری پیاری ادائیں تمہاری
میں اک بار پھر دیکھنا چاہتا ہوں
مدد المدد بے خودیٔ محبت
میں اپنے تئیں ڈھونڈھنا چاہتا ہوں
تری چاہ کا چاہ کہتے ہیں جس کو
اسی چاہ میں ڈوبنا چاہتا ہوں
مجھے نورؔ ہے درد دل کی تمنا
مگر درد بھی لا دوا چاہتا ہوں

نور لدھیانوی

نظم

اس ایک کمرے میں جانے کتنی تمہاری یادیں بسی ہوئی ہیں
لپٹ کے مجھ سے یہ رونے لگتی ہیں یار بے اختیار ہو کر
کے میں بھی ان کے کسی اشارے پہ رو ہی دوں زار زار ہو کر
یہ سب تمہاری ہی سازشیں ہیں
یہ سب تمہارا کیا ہوا ہے
کہ پھول شبنم گرا رہا ہے
وہ رو رہا ہے کیاریوں میں
وہ ایک کمرہ جہاں پہ تم ہو
یہ ایک کمرہ جو کھل رہا ہے
پھسل رہا ہے یہ وقت ہاتھوں سے ریت جیسے پھسل رہی ہو
ہر ایک دن ہے برس کے جیسا برس بھی جس میں ہزار دن ہوں
گزر رہی ہے یہ زندگی یوں یہ زندگی کے خراب دن ہوں
نہ یاد کرنے کی انتہا ہے جو یاد آنے لگی ہو اب تم
رکی تھی کب تم
حقیقتاً اس دفعہ جو تم نے لگایا سینے سے رو نہ دوں میں
یہ وسوسہ ہے کہ تم کو میں نے جو دل سے چاہا تو کھو نہ دوں میں
یہ کس نے انجام لکھ دیا ہے دل و محبت کا یار ایسا کہ خار جیسا
وہ کون تھا جو لگا کے بیٹھا تھا دل کسی سے
وہ کون تھا جس کا دل ہوا زار زار ایسا
تمہیں بھلانے کی کوششوں میں یہ آخری دن ہے جان یعنی
یہ آخری دن ہے جان یعنی

پیوش شرما

نظم

اپنا اپنا بھول کلینڈر
جتنا کچھ ہم بھول گئے ہیں
جو جو ہم سے بھول ہوئی ہے
وہ سب لکھیں
وہ بھی جو ہم بھولنا چاہتے ہیں
وہ بھی جو ہم بھول نہیں پاتے ہیں
وہ سب چہرے جو یادوں کی بھول بھلیوں میں سوتے ہیں
انہیں جگا دیں
بھول کلینڈر میں ان کی تصویر لگا دیں
اور روزانہ بھول کلینڈر دیکھ کے نکلیں
اس دن پچھلے برس میں ہم نے کیا بویا تھا کیا پایا تھا
کیا پانے سے کیا کھویا تھا
کیا کھونے سے کیا پایا تھا
مشکل کے کس کس لمحے میں
کس نے اپنا ہاتھ چھڑایا
اور کون کتنا کام آیا تھا
بھول نہ جانا بھول کلینڈر
اب روزانہ بھول کلینڈر

عمران شمشاد نرمی

نظم

میرے ہمدم
میں کہ تجھ کو چاہتا تھا بھولنا
میں کہ تیری راہ سے کترا رہا تھا
میں کہ تیری یاد سینے میں دبائے جا رہا تھا
میں کہ تیرا پیار دنیا سے چھپائے جا رہا تھا
حادثہ پھر ہو گیا
میرا دل تنہائیوں میں کھو گیا
تیرے گھر کے سامنے
میں گزرتا جا رہا تھا تیز تیز
کہ اچانک کار پنکچر ہو گئی
تیرے گھر کے سامنے
نہ ٹھہر سکتا تھا میں
نہ ہی جا سکتا تھا میں
میں بہت حیران تھا
میں بہت آزردہ تھا
وہ کہ مجھ سے پیار کرتے تھے کبھی
وہ کہ میرا نام جپتے تھے کبھی
سامنے بیٹھے رہے
پر نہ میری جانب اٹھ کر آ سکے
جیسے میں ان کا نہ تھا
جیسے میں تیرا نہ تھا
جیسے میں بیگانہ تھا
اپنی اس توہین پر
میں بہت شرمندہ تھا
میں بہت پژمردہ تھا
تجھ سے لیکن کیا گلہ
نہ ترے سینے میں دل
نہ تری کوئی امنگ
تو تو کٹھ پتلی ہے ایک
مجھ کو تجھ سے کیا گلہ

اصغر علی تبسم

نظم

جان دے کر سنوارنا ہے اسے
ضبط غم سے نکھارنا ہے اسے
بھولنا تم نہیں بڑوں کا چلن
یہ ہے میرا وطن تمہارا وطن

بیگم سلطانہ ذاکر ادا

نظم

وہ جسم
جس کو اندھیرے نے چاندنی میں بنا
وہ جسم
جس کو تراشا نہیں گیا تھا مگر
وہ جسم
خود ہی تراشا ہوا تھا اک پیکر
وہ جسم
جس کے وسیلے سے اس جزیرے کی
جو سیر میں نے کبھی کی تھی
بھولنا ہے عبث
وہ فاصلہ
کہ جو صدیوں میں طے نہیں ہوگا
وہ طے ہوا تھا
فقط صرف چند لمحوں میں
مری رگوں میں ابھی
خون منجمد ہے مگر
تمہاری یاد کی
پروا کبھی جو بہتی ہے
تو اپنے ہونے کا احساس جاگتا ہے بہت
الگ یہ بات
کہ یہ جسم ناتواں میرا
سفر سے لوٹتے لمحوں میں
ہانپتا ہے بہت

شمیم قاسمی

نظم

نہ یہ کہ وہ چلے تو کہکشاں سی رہ گزر لگے
مگر وہ ساتھ ہو تو پھر بھلا بھلا سفر لگے

احمد فراز

نظم

آ کہ وابستہ ہیں اس حسن کی یادیں تجھ سے
جس نے اس دل کو پری خانہ بنا رکھا تھا
جس کی الفت میں بھلا رکھی تھی دنیا ہم نے
دہر کو دہر کا افسانہ بنا رکھا تھا

فیض احمد فیض

نظم

میں نے مانا کہ شب و روز کے ہنگاموں میں
وقت ہر غم کو بھلا دیتا ہے رفتہ رفتہ
چاہے امید کی شمعیں ہوں کہ یادوں کے چراغ
مستقل بعد بجھا دیتا ہے رفتہ رفتہ

احمد فراز

نظم

نام بھولے سے جو میرا کہیں آیا ہوگا
غیر محسوس طریقے سے وہ چونکا ہوگا
ایک جملے کو کئی بار سنایا ہوگا
بات کرتے ہوئے سو بار وہ بھولا ہوگا
یہ جو لڑکی نئی آئی ہے کہیں وہ تو نہیں
اس نے ہر چہرہ یہی سوچ کے دیکھا ہوگا
جان محفل ہے مگر آج فقط میرے بغیر
ہائے کس درجہ وہی بزم میں تنہا ہوگا
کبھی سناٹوں سے وحشت جو ہوئی ہوگی اسے
اس نے بے ساختہ پھر مجھ کو پکارا ہوگا
چلتے چلتے کوئی مانوس سی آہٹ پا کر
دوستوں کو بھی کس عذر سے روکا ہوگا
یاد کر کے مجھے نم ہو گئی ہوں گی پلکیں
''آنکھ میں پڑ گیا کچھ'' کہہ کے یہ ٹالا ہوگا
اور گھبرا کے کتابوں میں جو لی ہوگی پناہ
ہر سطر میں مرا چہرہ ابھر آیا ہوگا
جب ملی ہوگی اسے میری علالت کی خبر
اس نے آہستہ سے دیوار کو تھاما ہوگا
سوچ کر یہ کہ بہل جائے پریشانی دل
یوں ہی بے وجہ کسی شخص کو روکا ہوگا!

پروین شاکر

نظم

میں شاید تم کو یکسر بھولنے والا ہوں
شاید جان جاں شاید

جون ایلیا

نظم

یہ کڑواہٹ کی باتیں ہیں مٹھاس ان کی نہ پوچھو تم
نم لب کو ترستی ہیں سو پیاس ان کی نہ پوچھو تم
یہ اک دو جرعوں کی اک چہل ہے اور چہل میں کیا ہے
عوام الناس سے پوچھو بھلا الکحل میں کیا ہے
یہ طعن و طنز کی ہرزہ سرائی ہو نہیں سکتی
کہ میری جان میرے دل سے رشتہ کھو نہیں سکتی

جون ایلیا

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے