کی تلاش کا نتیجه | موضو - نظم, صفحہ saajan

Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تلاش کے نتائج

تلاش کا نتیجہ "saajan"

نظم کے متعلقہ نتیجہ "saajan"

نظم

ہم گھوم چکے بستی بن میں
اک آس کی پھانس لیے من میں
کوئی ساجن ہو کوئی پیارا ہو
کوئی دیپک ہو، کوئی تارا ہو
جب جیون رات اندھیری ہو

ابن انشا

نظم

اک روز مگر برکھا رت میں وہ بھادوں تھی یا ساون تھا
دیوار پہ بیچ سمندر کے یہ دیکھنے والوں نے دیکھا
مستانہ ہاتھ میں ہاتھ دیئے یہ ایک کگر پر بیٹھے تھے
یوں شام ہوئی پھر رات ہوئی جب سیلانی گھر لوٹ گئے
کیا رات تھی وہ جی چاہتا ہے اس رات پہ لکھیں افسانا
اس بستی کے اک کوچے میں اک انشاؔ نام کا دیوانا

ابن انشا

نظم

یہ نہ سمجھنا میرے ساجن
دے نہ سکی میں ساتھ تمہارا
یہ نہ سمجھنا میرے دل کو
آج تمہارا دکھ ہے گوارا

جاں نثار اختر

نظم

ہاں تھام محبت کی گر تھام سکے ڈوری
ساجن ہے ترا ساجن اب تجھ سے تو کیا چوری
یہ جس کی منادی ہے بستی میں تری گوری
دروازہ کھلا رکھنا

ابن انشا

نظم

کل واشنگٹن شہر کی ہم نے سیر بہت کی یار
گونج رہی تھی سب دنیا میں جس کی جے جے کار
ملکوں ملکوں ہم گھومے تھے بنجاروں کی مثل
لیکن اس کی سج دھج سچ مچ دل داروں کی مثل
روشنیوں کے رنگ بہیں یوں رستہ نظر نہ آئے
من کی آنکھوں والا بھی یاں اندھا ہو ہو جائے
اونچے بام چراغاں رستے روپ بھرے بازار
جاگتی آنکھوں سے دیکھا ہے خوابوں کا سنسار
ایک سفید عمارت جس کی نگر نگر میں دھوم
اندر دنیا بھر کی کالک باہر سے معصوم
یہی سفید عمارت جس میں بہت بڑی سرکار
یہیں کریں سوداگر چھوٹی قوموں کا بیوپار
یہیں پہ جادو گر بیٹھا جب کہیں کی ڈور ہلائے
ہر بستی ناگا ساکی ہیروشیما بن جائے
اسی عمارت سے کچھ دور ہی اک کالی دیوار
لوگوں کا میلہ ایسا لگا تھا جیسے کوئی تیوہار
اس کالی دیوار پہ کندہ دیکھے ہزاروں نام
ان ناموں کے بیچ لکھا تھا شہدائے وتنام
آس پاس تو جمع ہوا تھا خلقت کا انبوہ
سب کی آنکھوں میں سناٹا چہروں پر اندوہ
بیکل بہنیں گھائل مائیں اور دکھی بیوائیں
ساجن تم کس دیس سدھارے سوچیں محبوبائیں
اپنے پیاروں دل داروں کا اوجھل مکھڑا ڈھونڈیں
اس کالی دیوار پہ ان کے نام کا ٹکڑا ڈھونڈیں
دلوں میں دکھ آنکھوں میں شبنم ہاتھوں میں پھول اٹھائے
اس ناموں کے قبرستان کا بھید کوئی کیا پائے
نا تربت نا کتبہ کوئی نا ہڈی نا ماس
پھر بھی پاگل نیناں کو تھی پیا ملن کی آس
کہیں کہیں اس کالی سل پر کوئی سفید گلاب
یوں بے تاب پڑا تھا جیسے اندھی آنکھ کا خواب
کانٹا بن کر سبھی کے دل میں کھٹکے ایک سوال
کس کارن مٹی میں ملائے ہیروں جیسے لال
ہوچی من کے دیس میں ہم نے کیا کیا ستم نہ ڈھائے
اس کے جیالے تو آزادی کا سورج لے آئے
لیکن اتنے چاند گنوا کر ہم نے بھلا کیا پایا
ہم بد قسمت ایسے جن کو دھوپ ملی نا سایا
مکھ موتی دے کر حاصل کی یہ کالی دیوار
یہ کالی دیوار جو ہے بس اک خالی دیوار
یہ کالی دیوار جو ہے ناموں کا قبرستان
واشنگٹن کے شہر میں دفن ہیں کس کس کے ارمان

احمد فراز

نظم

سوچ نہیں ساجن کو بلا لے
آگے بڑھ سینے سے لگا لے
تجھ بن دے اسے کون دلاسا
گھوم رہا ہے پیت کا پیاسا

ابن انشا

نظم

دل پیت کی آگ میں جلتا ہے ہاں جلتا رہے اسے جلنے دو
اس آگ سے لوگو دور رہو ٹھنڈی نہ کرو پنکھا نہ جھلو
ہم رات دنا یوں ہی گھلتے رہیں کوئی پوچھے کہ ہم کو نا پوچھے
کوئی ساجن ہو یا دشمن ہو تم ذکر کسی کا مت چھیڑو
سب جان کے سپنے دیکھتے ہیں سب جان کے دھوکے کھاتے ہیں
یہ دیوانے سادہ ہی سہی پر اتنے بھی سادہ نہیں یارو
کس بیٹھی تپش کے مالک ہیں ٹھٹھری ہوئی آگ کے انگیارے
تم نے کبھی سینکا ہی نہیں تم کیا سمجھو تم کیا جانو

ابن انشا

نظم

آج کی رات بہت سرد بہت کالی ہے
تیرگی ایسے لپٹتی ہے ہوائے غم سے
اپنے بچھڑے ہوئے ساجن سے ملی ہے جیسے
مشعل خواب کچھ اس طور بجھی ہے جیسے
درد نے جاگتی آنکھوں کی چمک کھا لی ہے
شوق کا نام نہ خواہش کا نشاں ہے کوئی
برف کی سل نے مرے دل کی جگہ پا لی ہے
اب دھندلکے بھی نہیں زینت چشم بے خواب
آس کا روپ محل دست تہی ہے جیسے
بحر امکان پہ کائی سی جمی ہے جیسے
ایسے لگتا ہے کہ جیسے مرا معمورۂ جاں
کسی سیلاب زدہ گھر کی زبوں حالی ہے
نہ کوئی دوست نہ تارا کہ جسے بتلاؤں
اس طرح ٹوٹ کے بکھرا ہے انا کا شیشہ
میرا پندار مرے دل کے لیے گالی ہے
نبض تاروں کی طرح ڈوب رہی ہے جیسے!
غم کی پنہائی سمندر سے بڑی ہے جیسے!
آنکھ صحراؤں کے دامن کی طرح خالی ہے
وحشت جاں کی طرف دیکھ کے یوں لگتا ہے
موت اس طرح کے جینے سے بھلی ہے جیسے
تیرگی چھٹنے لگی، وقت رکے گا کیوں کر
صبح خورشید لیے در پہ کھڑی ہے جیسے
داغ رسوائی چھپانے سے نہیں چھپ سکتا
یہ تو یوں ہے کہ جبیں بول رہی ہے جیسے!

امجد اسلام امجد

نظم

گھر کی قسمت جگی گھر میں آئے سجن
ایسے مہکے بدن جیسے چندن کا بن
آج دھرتی پہ ہے سورگ کا بانکپن
اپسرائیں نہ کیوں گائیں منگلاچرن
زندگی سے ہے حیران یمراج بھی
آج ہر دیپ اندھیرے پہ ہے خندہ زن
ان کے قدموں سے پھول اور پھلواریاں
آگمن ان کا مدھوماس کا آگمن
اس کو سب کچھ ملا جس کو وہ مل گئے
وہ ہیں بے آس کی آس نردھن کے دھن
ہے دیوالی کا تیوہار جتنا شریف
شہر کی بجلیاں اتنی ہی بد چلن
ان سے اچھے تو ماٹی کے کورے دیے
جن سے دہلیز روشن ہے آنگن چمن
کوڑیاں داؤں کی چت پڑیں چاہے پٹ
جیت تو اس کی ہے جس کی پڑ جائے بن
ہے دیوالی ملن میں ضروری نذیرؔ
ہاتھ ملنے سے پہلے دلوں کا ملن

نذیر بنارسی

نظم

خوشیوں کا مکھ چوم کے دیکھا دنیا مان بھری
دکھ وہ سجن کٹھور کہ جس کو روح کرے سجدہ

مجید امجد

نظم

سہیلی یوں تو کچھ کچھ سانولے سے ہیں مرے ساجن
مگر تیری قسم بے حد رسیلے ہیں مرے ساجن
جو میں کہتی ہوں اس کو مسکرا کر مان جاتے ہیں
بہت پیارے بڑے ہی بھولے بھالے ہیں مرے ساجن
میں ان سے پریم کرتی ہوں بھلا میں کیا بتاؤں گی
سکھی تو بول تجھ کو کیسے لگتے ہیں مرے ساجن
بظاہر وہ دکھائی دیتے ہیں معصوم دنیا کو
مگر اندر سے مستانے رنگیلے ہیں مرے ساجن
نہا دھو کر میں اپنی مانگ جب سندور سے بھرتی ہوں
تو جانے زیر لب کیوں مسکراتے ہیں مرے ساجن
کھلے بالوں کی خوشبو دل کو متوالا بناتی ہے
مرا جوڑا یہ کہہ کر کھول دیتے ہیں مرے ساجن
چھپا لیتی ہوں چہرہ اس گھڑی میں لاج کے مارے
مجھے جب سیج پر اپنی بلاتے ہیں مرے ساجن
نہ مجھ سے دل سنبھلتا ہے نہ آنچل ہی سنبھلتا ہے
سہانے گیت کیوں راتوں کو گاتے ہیں مرے ساجن
مجھے پردیس سے ہر بار گہنہ لا کے دیتے ہیں
سہیلی مجھ سے بے حد پیار کرتے ہیں مرے ساجن
کئی دن سے مسلسل دیکھتی ہوں ان کو سپنے میں
پپیہے سچ بتا کیا آنے والے ہیں مرے ساجن
چمکتا ہے مرے ماتھے پہ جھومر آج کیوں جیسے
خوشی کا چاند بن کر گھر میں آئے ہیں مرے ساجن
سویرے سے بہت بے چین ہوں گھبرا رہی ہوں میں
سکھی پردیس میں کیا جانے کیسے ہیں مرے ساجن
کوئلیا دل میں تیری کوک اب نشتر چبھوتی ہے
زمانہ ہو گیا ہے مجھ سے بچھڑے ہیں مرے ساجن
گھٹا پھر جھوم کر ساون کی آئی مور پھر بولا
مرے ساجن اب آ جاؤ کہ جھولیں باغ میں جھولا

اویس احمد دوراں

نظم

سنہری بالیاں شوخی سے رخساروں کو تکتی ہیں
کھنکتی چوڑیاں گیتوں کی میٹھی دھن سناتی ہیں
جبیں پر ننھی ننھی کہکشائیں جگمگاتی ہیں
حنائی انگلیاں لہرا کے ساجن کو بلاتی ہیں

اویس احمد دوراں

نظم

چمکیلا سا بھڑکیلا سا
اطراف میں جس کے جنتا تھی
اسٹیج پہ کچھ سجن تھے کھڑے
کچھ جھنڈے تھے کچھ نعرے تھے
کچھ لمبی لمبی باتیں تھیں
کچھ بھاری بھاری وعدے تھے
ان باتوں کا ان وعدوں کا
بس ہم سے اتنا رشتہ ہے
کے ووٹ انہیں ہم دیں دیں سب
سرکار انہیں کی چن لیں ہم
راج انہیں کا چلنے دیں
ہر سمت انہیں کا جھنڈا ہو
ادھیکار انہیں کا چلتا ہو
جب جنتا ان کو چنتی ہے
اور ان کے حق میں لڑتی ہے
تب راشٹر ان کا بدلا ہے
ان لمبی لمبی باتوں کا
ان بھاری بھاری وعدوں کا
عنوان ہوا کچھ ایسے ہے
ای وی ایم بھی میرا ہے
سب نیتا نگری میری ہے
اب کوئی نہیں کچھ بولے گا
اور کوئی نہیں منہ کھولے گا

اسریٰ رضوی

نظم

چپ چپ اپنے چپ بیگانے نرسنگھے خاموش
اپنی ریکھا لیکھ کی ہانی یا کرموں کا دوش
آشاؤں کی پھلواری میں پھوٹی کڑوی بیل
پالے پوسے بن لہرائی الھڑ اور انیل
پریم لتا کی سندرتا میں جاگ اٹھے ارمان
اپنے پرائے ساجن بن کر آئے نظر انسان
کڑوی بیل میں بیٹھے پھل آنے کی جب رت آئی
باجے گاجے گونج اٹھے اور بجنے لگی شہنائی
ماں موسی اور سنگ سکھیوں نے شگون شگون منائے
ڈومینوں نے رنگ رچایا چھیلب سوہلے گائے
شبھ دن آیا آج سکھی ری
شبھ دن آیا آج
چاکر بن کر آئے کھڑے ہیں
دیکھ سکھی تو راج
میرے لیے یہ دل کش سوہلے بن گئے رونا راگ
شہنائی میں ڈوب گیا جب اس کا آپ تیاگ
جیون پگ پر پہلے ڈگ میں دیکھ کے اپنی ٹھوڑ
پلو تھام کر چلی باوری ہاتھ پرائے ڈور

عبدالمجید بھٹی

نظم

دھرتی کے پھیلے کاغذ پر
کتنی سندر تصویریں ہیں
پیڑ پہاڑ اور ساگر ندیاں
شہر گاؤں اور پنگھٹ گلیاں
کچے پکے گھر دروازے
آنگن آنگن شور مچاتے
نٹکھٹ ساجن بوڑھے بچے
اور بچوں میں روپ سلونا
دھرتی کے پھیلے کاغذ پر
کتنی سندر تصویریں ہیں

شاہد عزیز

نظم

نئی دنیا نیا مسکن نئی الفت نیا ساجن
تجھے پر از مسرت یہ حسیں وادی مبارک ہو

میر انجم پرویز

نظم

تنہائی کی شام
چاہوں بھی تو کر نہیں سکتی
ساجن تیرے نام

شاہدہ عروج خان

نظم

پنکھڑیاں گلاب کی
سبک سبک ساجن کا لمس
شفق کا لال لال رنگ
نظر نواز و دل فروز
فضائیں جن سے مست مست
بے نوا سی نغمگی
سماعتوں کی زندگی
کسی کا جی مچل اٹھا
کسی کے ہاتھ بڑھ گئے
دلوں میں آگ سی لگی
کوئی نظر سے پی گیا
کوئی تو چھو کے رہ گیا
کوئی زبان پھیر کے
لبوں پہ اپنی رہ گیا
صبح کی ٹھنڈی چھاؤں سے
نکل
کے دھوپ سر چڑھی
تو پنکھڑیاں گلاب کی
بکھر بکھر کے رہ گئیں

اشرف رفیع

نظم

موسم بدلا
برکھا آئی
آئی رت مستانی
ساجن تم نہیں آئے
بھیجے لاکھ سندیسے تم کو لکھ لکھ بتیاں ہاری
کس سے دل کی بات کہوں میں اب برہا کی ماری
نیر بھرے نینوں سے ساجن دیکھوں راہ تہاری
برکھا کے سانچے میں ڈھل گئی ہر اک شام سہانی
ساجن تم نہیں آئے
تم کیا جانو گزر رہی ہیں کیسے یہ برساتیں
الجھ رہی ہیں من میں جانے کتنی پریم کی باتیں
سونے سونے دن ہیں میرے اجڑی اجڑی راتیں
سلگ اٹھی ہے تم بن اب تو میری شوخ جوانی
ساجن تم نہیں آئے
سن سن کر ملہار رسیلے آنکھ مری بھر آئی
برہا بن کر تیری یادوں کی چنری لہرائی
سونا چاہوں نیند نہ آئے چھیڑ کرے پروائی
دو پپیہا یاد دلائے اک اک بات پرانی
ساجن تم نہیں آئے

حبیب عاصم

نظم

ساجن بن کیا ساون بدرا
برس نہ مورے آنگن بدرا
پیہو پیہو مت بول پپیہے
ناچ نہ تو رے مور

صدا انبالوی

Load More

ریختہ فاؤنڈیشن کی دیگر ویب سائٹس

تلاش

URD

Notification

Rekhta Foundation

Devoted to the preservation & promotion of Urdu

Rekhta Dictionary

A Trilingual Treasure of Urdu Words

Sufinama

Online Treasure of Sufi and Sant Poetry

Hindwi

World of Hindi language and literature

Rekhta Learning

The best way to learn Urdu online

Rekhta Books

Best of Urdu & Hindi Books

Donate

بولیے