Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

SEARCH RESULTS

Showing search results for "saajan"

Nazm MATCHES FOR "saajan"

Nazm

ek bar kaho tum meri ho

ham ghuum chuke bastii ban me.n
ik aas kii phaa.ns liye man me.n
ko.ii saajan ho ko.ii pyaaraa ho
ko.ii diipak ho, ko.ii taaraa ho
jab jiivan raat a.ndherii ho

Ibn۔e۔Insha
Nazm

is basti ke ek kuche mein

ik roz magar barkhaa-rut me.n vo bhaado.n thii yaa saavan thaa
diivaar pe biich samundar ke ye dekhne vaalo.n ne dekhaa
mastaana haath me.n haath diye ye ek kagar par baiThe the
yuu.n shaam hu.ii phir raat hu.ii jab sailaanii ghar lauT ga.e
kyaa raat thii vo jii chaahtaa hai us raat pe likkhe.n afsaanaa
is bastii ke ik kuuche me.n ik 'inshaa' naam kaa diivaanaa

Ibn۔e۔Insha
Nazm

KHamosh aawaz

ye na samajhnaa mere saajan
de na sakii mai.n saath tumhaaraa
ye na samajhnaa mere dil ko
aaj tumhaaraa dukh hai gavaaraa

Jan Nisar Akhtar
Nazm

darwaza khula rakhna

haa.n thaam mohabbat kii gar thaam sake Dorii
saajan hai tiraa saajan ab tujh se to kyaa chorii
ye jis kii munaadii hai bastii me.n tirii gorii
darvaaza khulaa rakhnaa

Ibn۔e۔Insha
Nazm

kali diwar

kal washington shahr kii ham ne sair bahut kii yaar
guu.nj rahii thii sab duniyaa me.n jis kii jai-jai-kaar
mulko.n mulko.n ham ghuume the banjaaro.n kii misl
lekin is kii saj-dhaj sach-much dil-daaro.n kii misl
raushniyo.n ke rang bahe.n yuu.n rasta nazar na aa.e
man kii aa.nkho.n vaalaa bhii yaa.n andhaa ho ho jaa.e
uu.nche baam charaaGaa.n raste ruup-bhare baazaar
jaagtii aa.nkho.n se dekhaa hai KHvaabo.n kaa sansaar
ek safed imaarat jis kii nagar nagar me.n dhuum
andar duniyaa bhar kii kaalak baahar se ma.asuum
yahii safed imaarat jis me.n bahut ba.Dii sarkaar
yahii.n kare.n saudaagar chhoTii qaumo.n kaa bevpaar
yahii.n pe jaaduu-gar baiThaa jab kahii.n kii Dor hilaa.e
har bastii nagasaki hiroshima ban jaa.e
isii imaarat se kuchh duur hii ik kaalii diivaar
logo.n kaa mela aisaa lagaa thaa jaise ko.ii tyauhaar
is kaalii diivaar pe kanda dekhe hazaaro.n naam
un naamo.n ke biich likhaa thaa shohdaa-e-vietnam
aas-paas to jam.a hu.aa thaa KHilqat kaa amboh
sab kii aa.nkho.n me.n sannaaTaa chehro.n par andoh
bekal bahne.n ghaayal maa.e.n aur dukhii bevaaye.n
saajan tum kis des sidhaare soche.n mahbuubaa.e.n
apne pyaaro.n dil-daaro.n kaa ojhal mukh.Daa Dhuu.nDe.n
is kaalii diivaar pe un ke naam kaa Tuk.Daa Dhuu.nDe.n
dilo.n me.n dukh aa.nkho.n me.n shabnam haatho.n me.n phuul uThaa.e
is naamo.n ke qabristaan kaa bhed ko.ii kyaa paa.e
naa turbat naa katba ko.ii naa haDDii naa maas
phir bhii paagal nainaa.n ko thii piyaa milan kii aas
kahii.n kahii.n is kaalii sil par ko.ii safed gulaab
yuu.n be-taab pa.Daa thaa jaise andhii aa.nkh kaa KHvaab
kaa.nTaa ban kar sabhii ke dil me.n khaTke ek savaal
kis kaaran miTTii me.n milaa.e hiiro.n jaise laal
Ho-chi-minh ke des me.n ham ne kyaa kyaa sitam na Dhaa.e
us ke jiyaale to aazaadii kaa suuraj le aa.e
lekin itne chaa.nd ga.nvaa kar ham ne bhalaa kyaa paayaa
ham bad-qismat aise jin ko dhuup milii naa saayaa
mukh motii de kar haasil kii ye kaalii diivaar
ye kaalii diivaar jo hai bas ik KHaalii diivaar
ye kaalii diivaar jo hai naamo.n kaa qabristaan
washington ke shahr me.n dafn hai.n kis kis ke armaan

Ahmad Faraz
Nazm

ghum raha hai pit ka pyasa

soch nahii.n saajan ko bulaa le
aage ba.Dh siine se lagaa le
tujh-bin de ise kaun dilaasaa
ghuum rahaa hai piit kaa pyaasaa

Ibn۔e۔Insha
Nazm

dil pit ki aag mein jalta hai

dil piit kii aag me.n jaltaa hai haa.n jaltaa rahe use jalne do
is aag se logo duur raho ThanDii na karo pa.nkhaa na jhalo
ham raat dinaa yuu.n hii ghulte rahe.n ko.ii puuchhe ki ham ko naa puuchhe
ko.ii saajan ho yaa dushman ho tum zikr kisii kaa mat chhe.Do
sab jaan ke sapne dekhte hai.n sab jaan ke dhoke khaate hai.n
ye diivaane saada hii sahii par itne bhii saada nahii.n yaaro
kis baiThii tapish ke maalik hai.n ThiThurii hu.ii aag ke a.ngiyaare
tum ne kabhii se.nkaa hii nahii.n tum kyaa samjho tum kyaa jaano

Ibn۔e۔Insha
Nazm

shikast-e-ana

aaj kii raat bahut sard bahut kaalii hai
tiirgii aise lipaTtii hai havaa-e-Gam se
apne bichh.De hu.e saajan se milii hai jaise
mish.al-e-KHvaab kuchh is taur bujhii hai jaise
dard ne jaagtii aa.nkho.n kii chamak khaa lii hai
shauq kaa naam na KHvaahish kaa nishaa.n hai ko.ii
barf kii sil ne mire dil kii jagah paa lii hai
ab dhundalke bhii nahii.n ziinat-e-chashm-e-be-KHvaab
aas kaa ruup-mahl dast-e-tahii hai jaise
bahr-e-imkaan pe kaa.ii sii jamii hai jaise
aise lagtaa hai ki jaise miraa ma.amuura-e-jaa.n
kisii sailaab-zada ghar kii zabuu.n-haalii hai
na ko.ii dost na taaraa ki jise batlaa.uu.n
is tarah TuuT ke bikhraa hai anaa kaa shiisha
meraa pindaar mire dil ke liye gaalii hai
nabz taaro.n kii tarah Duub rahii hai jaise!
Gam kii pinhaa.ii samundar se ba.Dii hai jaise!
aa.nkh sahraa.o.n ke daaman kii tarah KHaalii hai
vahshat-e-jaa.n kii taraf dekh ke yuu.n lagtaa hai
maut is tarah ke jiine se bhalii hai jaise
tiirgii chhaTne lagii, vaqt rukegaa kyuu.n-kar
sub.h-e-KHurshiid liye dar pe kha.Dii hai jaise
daaG-e-rusvaa.ii chhupaane se nahii.n chhup saktaa
ye to yuu.n hai ki jabii.n bol rahii hai jaise!

Amjad Islam Amjad
Nazm

diwali aur diwali milan

ghar kii qismat jagii ghar me.n aa.e sajan
aise mahke badan jaise chandan kaa ban
aaj dhartii pe hai sovarg kaa baa.nkpan
apsaraa.e.n na kyuu.n gaa.e.n ma.nglaacharan
zindagii se hai hairaan yamraaj bhii
aaj har diip a.ndhere pe hai KHanda-zan
un ke qadmo.n se phuul aur phul-vaariyaa.n
aagman un kaa madhumaas kaa aagman
us ko sab kuchh milaa jis ko vo mil ga.e
vo hai.n be-aas kii aas nirdhan ke dhan
hai diivaalii kaa tyauhaar jitnaa shariif
shahr kii bijliyaa.n utnii hii bad-chalan
un se achchhe to maaTii ke kore diye
jin se dahliiz raushan hai aa.ngan chaman
kau.Diyaa.n daa.nv kii chit pa.De.n chaahe paT
jiit to us kii hai jis kii pa.D jaa.e ban
hai diivaalii-milan me.n zaruurii 'naziir'
haath milne se pahle dilo.n kaa milan

Nazeer Banarasi
Nazm

bol anmol

KHushiyo.n kaa mukh chuum ke dekhaa duniyaa maan-bharii
dukh vo sajan kaThor ki jis ko ruuh kare sajda

Majeed Amjad
Nazm

jhumar

sahelii yuu.n to kuchh kuchh saa.nvle se hai.n mire saajan
magar terii qasam behad rasiile hai.n mire saajan
jo mai.n kahtii huu.n us ko muskuraa kar maan jaate hai.n
bahut pyaare ba.De hii bhole-bhaale hai.n mire saajan
mai.n un se prem kartii huu.n bhalaa mai.n kyaa bataa.uu.ngii
sakhii tuu bol tujh ko kaise lagte hai.n mire saajan
ba-zaahir vo dikhaa.ii dete hai.n ma.asuum duniyaa ko
magar andar se mastaane ra.ngiile hai.n mire saajan
nahaa dho kar mai.n apnii maa.ng jab sinduur se bhartii huu.n
to jaane zer-e-lab kyuu.n muskuraate hai.n mire saajan
khule baalo.n kii KHushbuu dil ko matvaalaa banaatii hai
miraa juu.Daa ye kah kar khol dete hai.n mire saajan
chhupaa letii huu.n chehra us gha.Dii mai.n laaj ke maare
mujhe jab sej par apnii bulaate hai.n mire saajan
na mujh se dil sambhaltaa hai na aa.nchal hii sambhaltaa hai
suhaane giit kyuu.n raato.n ko gaate hai.n mire saajan
mujhe pardes se har baar gahna laa ke dete hai.n
sahelii mujh se behad pyaar karte hai.n mire saajan
ka.ii din se musalsal dekhtii huu.n un ko sapne me.n
papiihe sach bataa kyaa aane vaale hai.n mire saajan
chamaktaa hai mire maathe pe jhuumar aaj kyuu.n jaise
KHushii kaa chaa.nd ban kar ghar me.n aa.e hai.n mire saajan
savere se bahut bechain huu.n ghabraa rahii huu.n mai.n
sakhii pardes me.n kyaa jaane kaise hai.n mire saajan
ko.ilyaa! dil me.n terii kuuk ab nashtar chubhotii hai
zamaana ho gayaa hai mujh se bichh.De hai.n mire saajan
ghaTaa phir jhuum kar saavan kii aa.ii mor phir bolaa
mire saajan ab aa jaa.o ki jhuule.n baaG me.n jhuulaa

Owais Ahmad Dauran
Nazm

eden garden

sunahrii baaliyaa.n shoKHii se ruKHsaaro.n ko taktii hai.n
khanaktii chuu.Diyaa.n giito.n kii miiThii dhun sunaatii hai.n
jabii.n par nannhii nannhii kahkashaa.e.n jagmagaatii hai.n
hinaa.ii u.ngliyaa.n lahraa ke saajan ko bulaatii hai.n

Owais Ahmad Dauran
Nazm

phulon se saja ek sej dikha

chamkiilaa saa bha.Dkiila saa
atraaf me.n jis ke jantaa thii
stage pe kuchh sajan the kha.De
kuchh jhanDe the kuchh na.are the
kuchh lambii lambii baate.n thii.n
kuchh bhaarii bhaarii va.ade the
un baato.n kaa un va.ado.n kaa
bas ham se itnaa rishta hai
ke vote unhe.n ham de.n de.n sab
sarkaar unhii.n kii chun le.n ham
raaj unhii.n kaa chalne de.n
har samt unhii.n kaa jhanDaa ho
adhikaar unhii.n kaa chaltaa ho
jab jantaa un ko chuntii hai
aur un ke haq me.n la.Dtii hai
tab raashtra un kaa badlaa hai
un lambii lambii baato.n kaa
un bhaarii bhaarii va.ado.n kaa
unvaan hu.aa kuchh aise hai
e.v.m bhii meraa hai
sab netaa nagrii merii hai
ab ko.ii nahii.n kuchh bolegaa
aur ko.ii nahii.n mu.nh kholegaa

Asra Rizvi
Nazm

tyag

chup chup apne chup begaane narsinghe KHaamosh
apnii rekhaa lekh kii haanii yaa karmo.n kaa dosh
aashaa.o.n kii phulvaarii me.n phuuTii ka.Dvii bel
paale-pose bin lahraa.ii alha.D aur anel
prem lataa kii sundartaa me.n jaag uThe armaan
apne paraa.e saajan ban kar aa.e nazar insaan
ka.Dvii bel me.n baiThe phal aane kii jab rut aa.ii
baaje-gaaje guu.nj uThe aur bajne lagii shahnaa.ii
maa.n mausii aur sang sakhiyo.n ne shuguun shuguun manaa.e
Domiino.n ne rang rachaayaa chhelab sohle gaa.e
shubh din aayaa aaj sakhii rii
shubh din aayaa aaj
chaakar ban kar aa.e kha.De hai.n
dekh sakhii tuu raaj
mere liye ye dilkash sohle bin ga.e ronaa raag
shahnaa.ii me.n Duub gayaa jab us kaa aap tyaag
jiivan pag par pahle Dag me.n dekh ke apnii Tho.D
palluu thaam kar chalii baavrii haath paraa.e Dor

Abdul Majeed Bhatti
Nazm

taswiren

dhartii ke phaile kaaGaz par
kitnii sundar tasviire.n hai.n
pe.D pahaa.D aur saagar nadiyaa.n
shahr gaa.nv aur panghaT galiyaa.n
kachche pakke ghar darvaaze
aa.ngan aa.ngan shor machaate
naTkhaT saajan buu.Dhe bachche
aur bachcho.n me.n ruup salonaa
dhartii ke phaile kaaGaz par
kitnii sundar tasviire.n hai.n

Shahid Aziz
Nazm

mubarak ho

na.ii duniyaa nayaa maskan na.ii ulfat nayaa saajan
tujhe pur-az-masarrat ye hasii.n vaadii mubaarak ho

Meer Anjum Parvez
Nazm

aankhen uski KHwab

tanhaa.ii kii shaam
chaahuu.n bhii to kar nahii.n saktii
saajan tere naam

Shahida Urooj Khan
Nazm

pankhuDiyan gulab ki

pa.nkhu.Diyaa.n gulaab kii
subuk subuk saajan kaa lams
shafaq kaa laal laal rang
nazar-navaaz-o-dil-faroz
fazaa.e.n jin se mast mast
be-navaa sii naGmagii
samaa.ato.n kii zindagii
kisii kaa jii machal uThaa
kisii ke haath ba.Dh ga.e
dilo.n me.n aag sii lagii
ko.ii nazar se pii gayaa
ko.ii to chhuu ke rah gayaa
ko.ii zabaan pher ke
labo.n pe apnii rah gayaa
sub.h kii ThanDii chhaa.nv se
nikal
ke dhuup sar cha.Dhii
to pa.nkhu.Diyaa.n gulaab kii
bikhar bikhar ke rah ga.ii.n

Ashraf Rafi
Nazm

barhaman

mausam badlaa
barkhaa aa.ii
aa.ii rut mastaanii
saajan tum nahii.n aa.e
bheje laakh sandese tum ko likh likh batiyaa.n haarii
kis se dil kii baat kahuu.n mai.n ab birhaa kii maarii
niir bhare naino.n se saajan dekhuu.n raah tuhaarii
barkhaa ke saa.nche me.n Dhal ga.ii har ik shaam suhaanii
saajan tum nahii.n aa.e
tum kyaa jaano guzar rahii hai.n kaise ye barsaate.n
ulajh rahii hai.n man me.n jaane kitnii prem kii baate.n
suune suune din hai.n mere uj.Dii uj.Dii raate.n
sulag uThii hai tum bin ab to merii shoKH javaanii
saajan tum nahii.n aa.e
sun sun kar malhaar rasiile aa.nkh mirii bhar aa.ii
birhaa ban kar terii yaado.n kii chunrii lahraa.ii
sonaa chaahuu.n nii.nd na aa.e chhe.D kare purvaa.ii
do papiihaa yaad dilaa.e ik ik baat puraanii
saajan tum nahii.n aa.e

Habeeb Aasim
Nazm

ja re ja badra

saajan bin kyaa saavan badraa
baras na more aa.ngan badraa
piihuu-piihuu mat bol papiihe
naach na tuu re mor

Sada Ambalvi
Load More
Best poetry resource in urdu
Search
Get App
ENG
Notification
Rekhta Foundation

Devoted to the preservation & promotion of Urdu
Rekhta Dictionary

A Trilingual Treasure of Urdu Words
Sufinama

Online Treasure of Sufi and Sant Poetry
Hindwi

World of Hindi language and literature
Rekhta Learning

The best way to learn Urdu online
Rekhta Books

Best of Urdu & Hindi Books
Donate
Get App
Donate
Speak Now