Bedaar Shayari

uqābī ruuh jab bedār hotī hai javānoñ meñ

nazar aatī hai un ko apnī manzil āsmānoñ meñ

uqabi ruh jab bedar hoti hai jawanon mein

nazar aati hai un ko apni manzil aasmanon mein

Allama Iqbal

kuchh ḳhabar hai tujhe o chain se sone vaale

raat bhar kaun tirī yaad meñ bedār rahā

kuchh KHabar hai tujhe o chain se sone wale

raat bhar kaun teri yaad mein bedar raha

Hijr Nazim Ali Khan

yaar ko maiñ ne mujhe yaar ne sone na diyā

raat bhar tāla-e-bedār ne sone na diyā

yar ko main ne mujhe yar ne sone na diya

raat bhar tala-e-bedar ne sone na diya

Haidar Ali Aatish

ham kis ko dikhāte shab-e-furqat udāsī

sab ḳhvāb meñ the raat ko bedār hamīñ the

hum kis ko dikhate shab-e-furqat ki udasi

sab KHwab mein the raat ko bedar hamin the

Taashshuq Lakhnavi

hijr ik vaqfa-e-bedār hai do nīñdoñ meñ

vasl ik ḳhvāb hai jis koī ta.abīr nahīñ

hijr ek waqfa-e-bedar hai do nindon mein

wasl ek KHwab hai jis ki koi tabir nahin

Ahmad Mushtaq

jo sote haiñ nahīñ kuchh zikr un vo to sote haiñ

magar jo jāgte haiñ un meñ bhī bedār kitne haiñ

jo sote hain nahin kuchh zikr un ka wo to sote hain

magar jo jagte hain un mein bhi bedar kitne hain

Abul Mujahid Zahid

vasl raat ḳhushī ne mujhe sone na diyā

maiñ bhī bedār rahā tāle-e-bedār ke saath

wasl ki raat KHushi ne mujhe sone na diya

main bhi bedar raha tale-e-bedar ke sath

Jaleel Manikpuri

ye roz o shab ye sub.h o shaam ye bastī ye vīrāna

sabhī bedār haiñ insāñ agar bedār ho jaa.e

ye roz o shab ye subh o sham ye basti ye virana

sabhi bedar hain insan agar bedar ho jae

Jigar Moradabadi

koī to raat ko dekhegā javāñ hote hue

is bhare shahr meñ bedār koī to hogā

koi to raat ko dekhega jawan hote hue

is bhare shahr mein bedar koi to hoga

Shahzad Ahmad

ab jis dil-e-ḳhvābīda khultī nahīñ āñkheñ

rātoñ ko sirhāne mire bedār yahī thā

ab jis dil-e-KHwabida ki khulti nahin aankhen

raaton ko sirhane mere bedar yahi tha

Mushafi Ghulam Hamdani

vo naġhma bulbul-e-rañgīñ-navā ik baar ho jaa.e

kalī aañkh khul jaa.e chaman bedār ho jaa.e

wo naghma bulbul-e-rangin-nawa ek bar ho jae

kali ki aankh khul jae chaman bedar ho jae

Asghar Gondvi

shikast-e-dil har āvāz hashr-āsār hotī hai

magar soī huī duniyā kahāñ bedār hotī hai

shikast-e-dil ki har aawaz hashr-asar hoti hai

magar soi hui duniya kahan bedar hoti hai

Figar Unnavi

na-jāne kaisī nigāhoñ se maut ne dekhā

huī hai niiñd se bedār zindagī ki maiñ huuñ

na-jaane kaisi nigahon se maut ne dekha

hui hai nind se bedar zindagi ki main hun

Saima Esma

mahfil-e-ishq meñ vo nāzish-e-daurāñ aayā

ai gadā ḳhvāb se bedār ki sultāñ aayā

mahfil-e-ishq mein wo nazish-e-dauran aaya

ai gada KHwab se bedar ki sultan aaya

Josh Malihabadi

vo shor hotā hai ḳhvāboñ meñ 'āftāb' 'husain'

ki ḳhud ko niind se bedār karne lagtā huuñ

wo shor hota hai KHwabon mein 'aftab' 'husain'

ki KHud ko nind se bedar karne lagta hun

Aftab Hussain

tirī zulf shab bedār maiñ huuñ

tujh āñkhoñ ke sāġhar mai-ḳhvār maiñ huuñ

teri zulf ki shab ka bedar main hun

tujh aankhon ke saghar ka mai-KHwar main hun

Wali Uzlat

mahv-e-liqā jo haiñ malakūtī-ḳhisāl haiñ

bedār ho ke bhī nazar aate haiñ ḳhvāb meñ

mahw-e-liqa jo hain malakuti-KHisal hain

bedar ho ke bhi nazar aate hain KHwab mein

Pandit Jawahar Nath Saqi