اداسی پر اشعار

رونے والوں سے کہو ان کا بھی رونا رو لیں

جن کو مجبورئ حالات نے رونے نہ دیا

یہ زندگی جو پکارے تو شک سا ہوتا ہے

کہیں ابھی تو مجھے خود کشی نہیں کرنی

کسی نے پھر سے لگائی صدا اداسی کی

پلٹ کے آنے لگی ہے فضا اداسی کی

میں مریض ہوں ترے ہجر کا ذرا ہاتھ میں مرا ہاتھ لے

تو غموں کا میرے علاج کر مری بات سن تو ابھی نہ جا

بڑی مشکل سے آ کے بیٹھا ہوں

درد اٹھتے ہیں مت اٹھائیں مجھے

طوفاں کے بعد میں بھی بہت ٹوٹ سا گیا

دریا پھر اپنے رخ پہ بہا لے گیا مجھے

کوئی صورت نہیں ہے جڑنے کی

اتنے ٹکڑوں میں بٹ کے آیا ہوں

کوئی اپنے ہی غم سے خالی کہاں ہے

جہاں میں کوئی میرا غم خوار کیوں ہو

آفت و قہر فتنے مصیبت الم درد تکلیف کرب و بلا رنج و غم

اک توجہ ہٹائی جو اس نے ذرا دیکھ لو خود پہ کیسی گھڑی آ گئی

وہ کہتے ہیں واللہ یہ کیا ہو گیا ہے

ذرا بھی جو آنکھوں کو نم دیکھتے ہیں

جادۂ غم میں آرزو کے سوا

ہم سفر دوسرا نہیں ہوتا

غم کا ساتھی کون ہے یہ سوچ کر تنہا تھا میں

ساتھ لیکن میرے نشترؔ رو رہی تھی چاندنی

چھپی تھی جس کی غزل میں زمانے بھر کی خوشی

خود اس کی زیست کا نغمہ عذاب سا ابھرا