جشن ریختہ 2022 کی شاعرات

پھیلتے ہوئے شہرو اپنی وحشتیں روکو

میرے گھر کے آنگن پر آسمان رہنے دو

میں سامنے ہوں ابھی گفتگو کرو مجھ سے

کہ بعد میں مری تصویر دیکھتے رہنا

چپکے چپکے عشق کرنے کا کوئی حاصل نہیں

عشق میں منزل ملا کرتی ہے رسوائی کے بعد

ہم سے کہا گیا تھا کہ رانی بنیں گی آپ

یعنی کہ خود کو پہلے ہی راجا کہا گیا

ہار اس کی جیتنے کا شوق میرا لے گئی

پھر مجھے ہارا ہوا ہر مرحلہ اچھا لگا

تم کو چاہیں بھی اور غیر کے ساتھ بھی دیکھیں

تم کیا جانو عشق کی کیا کیا لاچاری ہے

میں بھول جاؤں تجھے یا میں انتظار کروں

تو اپنے جانے سے پہلے مجھے بتا کر جا

الجھے الجھے ریشم کی ڈور سے بندھے رشتے

ہر گھڑی محبت کا امتحان رہنے دو

مان لیتی میں کہا اس کا مگر

وہ گزارش کر رہا ہے ضد نہیں

کیسے کر لوں یقین میں تیرا

قسموں کا کیا ہے سارے کھاتے ہیں

مسیحا مان بیٹھا ہے وہ خود کو

اسے کچھ زخم کیا دکھلا دئے ہیں

دیکھ کر ستاروں کو مجھ کو تو یہ لگتا ہے

دور آسمانوں میں سگریٹیں سلگتی ہیں

مجھ میں کیا میرے سوا اور بھی رہتا ہے کوئی

میں تو سو جاتی ہوں پھر خواب کسے دکھتے ہیں

دشت آنکھوں میں تھا آواز میں ویرانی تھی

کھا گیا شہر اسے کہتے ہیں دیوانی تھی