vo kisī ko yaad kar ke muskurāyā thā udhar

aur maiñ nādān ye samjhā ki vo merā huā

wo kisi ko yaad kar ke muskuraya tha udhar

aur main nadan ye samjha ki wo mera hua

aaj phir niiñd ko āñkhoñ se bichhaḌte dekhā

aaj phir yaad koī choT purānī aa.ī

aaj phir nind ko aankhon se bichhaDte dekha

aaj phir yaad koi choT purani aai

muddatoñ ba.ad mayassar huā maañ kā āñchal

muddatoñ ba.ad hameñ niiñd suhānī aa.ī

muddaton baad mayassar hua man ka aanchal

muddaton baad hamein nind suhani aai

na jaane kitne charāġhoñ ko mil ga.ī shohrat

ik āftāb ke be-vaqt Duub jaane se

na jaane kitne charaghon ko mil gai shohrat

ek aaftab ke be-waqt Dub jaane se

le ga.iiñ duur bahut duur havā.eñ jis ko

vahī bādal thā mirī pyaas bujhāne vaalā

le gain dur bahut dur hawaen jis ko

wahi baadal tha meri pyas bujhane wala

sochtā huuñ tirī tasvīr dikhā duuñ us ko

raushnī ne kabhī saaya nahīñ dekhā apnā

sochta hun teri taswir dikha dun us ko

raushni ne kabhi saya nahin dekha apna

suno samundar kī shoḳh lahro havā.eñ Thahrī haiñ tum bhī Thahro

vo duur sāhil pe ek bachcha abhī gharauñde banā rahā hai

suno samundar ki shoKH lahro hawaen Thahri hain tum bhi Thahro

wo dur sahil pe ek bachcha abhi gharaunde bana raha hai

Thahrī Thahrī sī tabī.at meñ ravānī aa.ī

aaj phir yaad mohabbat kī kahānī aa.ī

Thahri Thahri si tabiat mein rawani aai

aaj phir yaad mohabbat ki kahani aai

vahī to markazī kirdār hai kahānī kā

usī pe ḳhatm hai tāsīr bevafā.ī kī

wahi to markazi kirdar hai kahani ka

usi pe KHatm hai tasir bewafai ki

pyaas dariyā kī nigāhoñ se chhupā rakkhī hai

ek bādal se baḌī aas lagā rakkhī hai

pyas dariya ki nigahon se chhupa rakkhi hai

ek baadal se baDi aas laga rakkhi hai

kisī ko kho ke pā liyā kisī ko pā ke kho diyā

na intihā ḳhushī kī hai na intihā malāl kī

kisi ko kho ke pa liya kisi ko pa ke kho diya

na intiha KHushi ki hai na intiha malal ki

terī bātoñ ko chhupānā nahīñ aatā mujh se

tū ne ḳhushbū mire lahje meñ basā rakkhī hai

teri baaton ko chhupana nahin aata mujh se

tu ne KHushbu mere lahje mein basa rakkhi hai

phir tirā zikr kiyā bād-e-sabā ne mujh se

phir mire dil ko dhaḌakne ke bahāne aa.e

phir tera zikr kiya baad-e-saba ne mujh se

phir mere dil ko dhaDakne ke bahane aae

tere kirdār ko itnā to sharaf hāsil hai

tū nahīñ thā to kahānī meñ haqīqat kam thī

tere kirdar ko itna to sharaf hasil hai

tu nahin tha to kahani mein haqiqat kam thi

aarzū hai sūraj ko aa.ina dikhāne kī

raushnī kī sohbat meñ ek din guzārā hai

aarzu hai suraj ko aaina dikhane ki

raushni ki sohbat mein ek din guzara hai

sabhī apne nazar aate haiñ ba-zāhir lekin

rūThne vaalā hai koī na manāne vaalā

sabhi apne nazar aate hain ba-zahir lekin

ruThne wala hai koi na manane wala

'azīm log the TuuTe to ik vaqār ke saath

kisī se kuchh na kahā bas udaas rahne lage

'azim log the TuTe to ek waqar ke sath

kisi se kuchh na kaha bas udas rahne lage

muddatoñ ba.ad pashemāñ huā dariyā ham se

muddatoñ ba.ad hameñ pyaas chhupānī aa.ī

muddaton baad pasheman hua dariya hum se

muddaton baad hamein pyas chhupani aai

jo us ke hoñToñ kī jumbish meñ qaid thā 'ash.har'

vo ek lafz banā bojh mere shānoñ kā

jo us ke honTon ki jumbish mein qaid tha 'ashhar'

wo ek lafz bana bojh mere shanon ka

vaise bhī us se koī rabt na rakkhā maiñ ne

yuuñ bhī duniyā meñ kashish terī ba-nisbat kam thī

waise bhi us se koi rabt na rakkha main ne

yun bhi duniya mein kashish teri ba-nisbat kam thi