کسے بتلائیں ہم کیوں اس کی محفل میں نہیں جاتے

حضوری جن کو حاصل ہو وہ درباری نہیں کرتے

بہت پرہیز ہے اس کو مرا بیمار ہو کر بھی

کسی صورت مجھے اپنی دوا ہونے نہیں دیتا

آتی جاتی ہے وہ اب سانس کی صورت مجھ میں

کب گئی اور کب آئی مجھے معلوم نہیں

ہمارے منہ پہ اس نے آئنے سے دھوپ تک پھینکی

ابھی تک ہم سمجھ کر اس کو بچہ چھوڑ دیتے ہیں

آنکھوں میں اس کی میں نے آخر ملال دیکھا

کن کن بلندیوں پر اپنا زوال دیکھا

سمجھتے ہی نہیں ہیں لوگ نا سمجھی کی مشکل کو

سہولت دیکھتے ہیں اور سمجھنا چھوڑ دیتے ہیں

اپنے جلنے کا ہمیشہ سے تماشائی ہوں

آگ یہ کس نے لگائی مجھے معلوم نہیں

عشق میں کودو اگر شوق ہے مرنے کا بہت

اس سے گہری کوئی کھائی مجھے معلوم نہیں

بہت جھک جھک کے چلتا ہوں میں ان بونوں کی بستی میں

یہ چھوٹا پن کبھی مجھ کو بڑا ہونے نہیں دیتا

کچھ چھلکتا ہے کچھ بکھرتا ہے

سب ملے تو بھی سب نہیں ملتا

ہمارے دل کو اب طاقت نہیں صدمہ اٹھانے کی

بہت بھانے لگے جو اوس سے ملنا چھوڑ دیتے ہیں

وہ کودتے اچھلتے رنگین پیرہن تھے

معصوم قہقہوں میں اڑتا گلال دیکھا

آسمانوں میں اڑا کرتے ہیں پھولے پھولے

ہلکے لوگوں کے بڑے کام ہوا کرتی ہے

خصوصاً امتحاں کی ڈیٹ بھی جب یک بیک آئے

عجب کیا فیل ہو جائیں جو تیاری نہیں کرتے

اتارو بدن سے یہ موٹے لباس

نہیں دیکھتیں گرمیاں آ گئیں

کچھ صاف اس کا چہرہ مطلب نہیں بتاتا

یوں تھا کہ جیسے میں نے قرآں میں فال دیکھا

کم معرکۂ زیست نہیں جنگ احد سے

اسباب جہاں مال غنیمت کی طرح ہے

خود بخود راہ لئے جاتی ہے اس کی جانب

اب کہاں تک ہے رسائی مجھے معلوم نہیں