tujhe kuchh ishq o ulfat ke sivā bhī yaad hai ai dil

sunā.e jā rahā hai ek hī afsāna barsoñ se

tujhe kuchh ishq o ulfat ke siwa bhi yaad hai ai dil

sunae ja raha hai ek hi afsana barson se

jo unheñ vafā kī sūjhī to na ziist ne vafā kī

abhī aa ke vo na baiThe ki ham uTh ga.e jahāñ se

jo unhen wafa ki sujhi to na zist ne wafa ki

abhi aa ke wo na baiThe ki hum uTh gae jahan se

ishq hai be-gudāz kyuuñ husn hai be-niyāz kyuuñ

merī vafā kahāñ ga.ī un kī jafā ko kyā huā

ishq hai be-gudaz kyun husn hai be-niyaz kyun

meri wafa kahan gai un ki jafa ko kya hua

hāl-e-dil sun ke vo āzurda haiñ shāyad un ko

is hikāyat pe shikāyat kā gumāñ guzrā hai

haal-e-dil sun ke wo aazurda hain shayad un ko

is hikayat pe shikayat ka guman guzra hai

charāġh-e-zindagī hogā farozāñ ham nahīñ hoñge

chaman meñ aa.egī fasl-e-bahārāñ ham nahīñ hoñge

charagh-e-zindagi hoga farozan hum nahin honge

chaman mein aaegi fasl-e-bahaaran hum nahin honge

hamāre Dūbne ke baad ubhreñge na.e taare

jabīn-e-dahr par chhaTkegī afshāñ ham nahīñ hoñge

hamare Dubne ke baad ubhrenge nae tare

jabin-e-dahr par chhaTkegi afshan hum nahin honge

ab nahīñ jannat mashām-e-kūcha-e-yār kī shamīm

nik.hat-e-zulf kyā huī bād-e-sabā ko kyā huā

ab nahin jannat masham-e-kucha-e-yar ki shamim

nikhat-e-zulf kya hui baad-e-saba ko kya hua

mire dil meñ hai ki pūchhūñ kabhī murshid-e-muġhāñ se

ki milā jamāl-e-sāqī ko ye tantana kahāñ se

mere dil mein hai ki puchhun kabhi murshid-e-mughan se

ki mila jamal-e-saqi ko ye tantana kahan se

na.ī sham.eñ jalāo āshiqī kī anjuman vaalo

ki suunā hai shabistān-e-dil-e-parvāna barsoñ se

nai shamen jalao aashiqi ki anjuman walo

ki suna hai shabistan-e-dil-e-parwana barson se