har dam duā-e-āb-o-havā māñgte rahe

nañge daraḳht sabz qabā māñgte rahe

har dam dua-e-ab-o-hawa mangte rahe

nange daraKHt sabz qaba mangte rahe

dīvāngī kī aisī milegī kahāñ misāl

kāñTe ḳhārīdtā huuñ gulāboñ ke shahr meñ

diwangi ki aisi milegi kahan misal

kanTe KHaridta hun gulabon ke shahr mein

ḳhvāb bikhreñge to ham ko bhī bikharnā hogā

shab kī ik ek aziyyat se guzarnā hogā

KHwab bikhrenge to hum ko bhi bikharna hoga

shab ki ek ek aziyyat se guzarna hoga

laakh sūraj kī ināyāt raheñ mere saath

merā saaya na mire qad ke barābar phailā

lakh suraj ki inayat rahen mere sath

mera saya na mere qad ke barabar phaila

is ahd meñ rishtoñ kī be-rañg dukānoñ meñ

hiire se bhī mahñgā hai vishvās kā ā.īna

is ahd mein rishton ki be-rang dukanon mein

hire se bhi mahnga hai wishwas ka aaina

utrā thā merī ruuh ke rauzan se jo kabhī

ghuT ghuT ke mere jism meñ marne lagā hai vo

utra tha meri ruh ke rauzan se jo kabhi

ghuT ghuT ke mere jism mein marne laga hai wo

jab zamīñ ke muqaddar sañvar jā.eñge

āsmāñ se farishte utar ā.eñge

jab zamin ke muqaddar sanwar jaenge

aasman se farishte utar aaenge

yaad kī ḳhushbū dil ke nagar meñ phailegī

ġham ke saa.e lagte haiñ ab shītal se

yaad ki KHushbu dil ke nagar mein phailegi

gham ke sae lagte hain ab shital se

sahīfe fikr-o-nazar ke jo de ga.e tartīb

vahī to sher-o-suḳhan ke payambaroñ meñ rahe

sahife fikr-o-nazar ke jo de gae tartib

wahi to sher-o-suKHan ke payambaron mein rahe