mire ashk bhī haiñ is meñ ye sharāb ubal na jaa.e

mirā jaam chhūne vaale tirā haath jal na jaa.e

mere ashk bhi hain is mein ye sharab ubal na jae

mera jam chhune wale tera hath jal na jae

ai kaash hamārī qismat meñ aisī bhī koī shaam aa jaa.e

ik chāñd falak par niklā ho ik chāñd sar-e-bām aa jaa.e

ai kash hamari qismat mein aisi bhi koi sham aa jae

ek chand falak par nikla ho ek chand sar-e-baam aa jae

abhī raat kuchh hai baaqī na uThā naqāb saaqī

tirā rind girte girte kahīñ phir sambhal na jaa.e

abhi raat kuchh hai baqi na uTha naqab saqi

tera rind girte girte kahin phir sambhal na jae

akelā pā ke mujh ko yaad un kī aa to jaatī hai

magar phir lauT kar jaatī nahīñ maiñ kaise so jā.ūñ

akela pa ke mujh ko yaad un ki aa to jati hai

magar phir lauT kar jati nahin main kaise so jaun

mujhe phūñkne se pahle mirā dil nikāl lenā

ye kisī kī hai amānat mire saath jal na jaa.e

mujhe phunkne se pahle mera dil nikal lena

ye kisi ki hai amanat mere sath jal na jae

maiñ nazar se pī rahā huuñ ye samāñ badal na jaa.e

na jhukāo tum nigāheñ kahīñ raat Dhal na jaa.e

main nazar se pi raha hun ye saman badal na jae

na jhukao tum nigahen kahin raat Dhal na jae

maiñ ḳhush huuñ agar gulshan ke liye kuchh merā lahū kaam aa jaa.e

lekin mujh ko Dar hai is kā gulchīñ pe na ilzām aa jaa.e

main KHush hun agar gulshan ke liye kuchh mera lahu kaam aa jae

lekin mujh ko Dar hai is ka gulchin pe na ilzam aa jae

Duub kar maiñ ne tūfāñ kī de dī ḳhabar

nāḳhudā be-ḳhabar ho to maiñ kyā karūñ

Dub kar main ne tufan ki de di KHabar

naKHuda be-KHabar ho to main kya karun