hijāb un se vo merā pūchhnā sar rakh ke qadmoñ par

sabab kyā hai jo yuuñ mujh se ḳhafā sarkār baiThe haiñ

hijab un se wo mera puchhna sar rakh ke qadmon par

sabab kya hai jo yun mujh se KHafa sarkar baiThe hain

milne ke ba.ad baiTh rahā pher kar nigāh

zālim yagāna hote hī begāna ho gayā

milne ke baad baiTh raha pher kar nigah

zalim yagana hote hi begana ho gaya

siina se siina milā denā to kuchh mushkil nahīñ

yaar mushkil to tire dil se milānā dil kā hai

sina se sina mila dena to kuchh mushkil nahin

yar mushkil to tere dil se milana dil ka hai

kahāñ mumkin hai poshīda ġham-e-dil kā asar honā

laboñ kā ḳhushk ho jaanā bhī hai āñkhoñ kā tar honā

kahan mumkin hai poshida gham-e-dil ka asar hona

labon ka KHushk ho jaana bhi hai aankhon ka tar hona

qayāmat thā sitam thā qahr thā ḳhalvat meñ o zālim

vo sharmā kar tirā merī baġhal meñ jalva-gar honā

qayamat tha sitam tha qahr tha KHalwat mein o zalim

wo sharma kar tera meri baghal mein jalwa-gar hona

muhīt-e-rahmat hai josh-afzā huī hai abr-e-saḳhā kī aamad

ḳhudā kī har chiiz kah rahī hai ki ab hai nūr-e-ḳhudā kī aamad

muhit-e-rahmat hai josh-afza hui hai abr-e-saKHa ki aamad

KHuda ki har chiz kah rahi hai ki ab hai nur-e-KHuda ki aamad

sifārish ham-damoñ kī un kā jaate vaqt ye kahnā

ki jab taḌpe mirī tasvīr siine se lagā denā

sifarish ham-damon ki un ka jate waqt ye kahna

ki jab taDpe meri taswir sine se laga dena