اتنا تو بتا جاؤ خفا ہونے سے پہلے

وہ کیا کریں جو تم سے خفا ہو نہیں سکتے

اے موج حوادث تجھے معلوم نہیں کیا

ہم اہل محبت ہیں فنا ہو نہیں سکتے

نہ بزم اپنی نہ اپنا ساقی نہ شیشہ اپنا نہ جام اپنا

اگر یہی ہے نظام ہستی تو زندگی کو سلام اپنا

حالات نے کسی سے جدا کر دیا مجھے

اب زندگی سے زندگی محروم ہو گئی

ایسے اقرار میں انکار کے سو پہلو ہیں

وہ تو کہیے کہ لبوں پہ نہ تبسم آئے

جب ذرا رات ہوئی اور مہ و انجم آئے

بارہا دل نے یہ محسوس کیا تم آئے

یہ آنسو ڈھونڈتا ہے تیرا دامن

مسافر اپنی منزل جانتا ہے

عجب انداز کے شام و سحر ہیں

کوئی تصویر ہو جیسے ادھوری

عشق کو جب حسن سے نظریں ملانا آ گیا

خودبخود گھبرا کے قدموں میں زمانہ آ گیا

فرق اتنا ہے کہ تو پردے میں اور میں بے حجاب

ورنہ میں عکس مکمل ہوں تری تصویر کا

دیکھیے عہد وفا اچھا نہیں

مرنا جینا ساتھ کا ہو جائے گا

نہ آیا غم بھی محبت میں سازگار مجھے

وہ خود تڑپ گئے دیکھا جو بیقرار مجھے

غنچہ و گل ماہ و انجم سب کے سب بیکار تھے

آپ کیا آئے کہ پھر موسم سہانا آ گیا

میں اب تیرے سوا کس کو پکاروں

مقدر سو گیا غم جاگتا ہے

بارہا یہ بھی ہوا انجمن ناز سے ہم

صورت موج اٹھے مثل تلاطم آئے