vo jis meñ lauT ke aatī thī ek shahzādī

abhī talak nahīñ bhūlī vo dāstāñ mujh ko

wo jis mein lauT ke aati thi ek shahzadi

abhi talak nahin bhuli wo dastan mujh ko

ham faqat terī guftugū meñ nahīñ

har suḳhan har zabān meñ ham haiñ

hum faqat teri guftugu mein nahin

har suKHan har zaban mein hum hain

vo shaḳhs jis kī ḳhushī kā baa.is thiiñ merī bāteñ

use ab un par malāl karne bhī aa ga.e haiñ

wo shaKHs jis ki KHushi ka bais thin meri baaten

use ab un par malal karne bhi aa gae hain

ai junūñ us kī kahānī bhī sunā.ūñgā tujhe

ye jo paivand mire chaak meñ dekhā gayā hai

ai junun us ki kahani bhi sunaunga tujhe

ye jo paiwand mere chaak mein dekha gaya hai

jā tujhe tere havāle kar diyā

kheñch le ye haath phailāyā huā

ja tujhe tere hawale kar diya

khench le ye hath phailaya hua

ham aa.ine meñ tirā aks dekhne ke liye

ka.ī charāġh nadī meñ bahāne lagte haiñ

hum aaine mein tera aks dekhne ke liye

kai charagh nadi mein bahane lagte hain

shaam Dhalne se faqat shaam nahīñ Dhaltī hai

umr Dhal jaatī hai jaldī palaT aanā mire dost

sham Dhalne se faqat sham nahin Dhalti hai

umr Dhal jati hai jaldi palaT aana mere dost

shaam hotī hai to lagtā hai koī ruuTh gayā

aur shab us ko manāne meñ guzar jaatī hai

sham hoti hai to lagta hai koi ruTh gaya

aur shab us ko manane mein guzar jati hai

shahr kā shahr tujhe dekhne aaya huā hai

shahr kā shahr to nādān nahīñ ho saktā

shahr ka shahr tujhe dekhne aaya hua hai

shahr ka shahr to nadan nahin ho sakta

apnī qismat meñ sabhī kuchh thā magar phuul na the

tum agar phuul na hote to hamāre hote

apni qismat mein sabhi kuchh tha magar phul na the

tum agar phul na hote to hamare hote

hijr insāñ ke ḳhad-o-ḳhāl badal detā hai

kabhī fursat meñ mujhe dekhne aanā mire dost

hijr insan ke KHad-o-KHal badal deta hai

kabhi fursat mein mujhe dekhne aana mere dost

vo phuul ho sitāra ho shabnam ho jhiil ho

terī kitāb-e-husn ke sab iqtibās the

wo phul ho sitara ho shabnam ho jhil ho

teri kitab-e-husn ke sab iqtibas the