ḳhushbū jaisī raat ne merā

apne jaisā haal kiyā thā

KHushbu jaisi raat ne mera

apne jaisa haal kiya tha

mire vajūd ke andar hai ik qadīm makān

jahāñ se maiñ ye udāsī udhār letī huuñ

mere wajud ke andar hai ek qadim makan

jahan se main ye udasi udhaar leti hun

ḳhvāb kā intizār ḳhatm huā

aañkh ko niiñd se jagāte haiñ

KHwab ka intizar KHatm hua

aankh ko nind se jagate hain

ham ne jab hāl-e-dil un se apnā kahā

vo bhī qissa kisī kā sunāne lage

hum ne jab haal-e-dil un se apna kaha

wo bhi qissa kisi ka sunane lage

nahīñ vo itnā bhī pāgal nahīñ thā

jo mar jaatā mirī vābastagī meñ

nahin wo itna bhi pagal nahin tha

jo mar jata meri wabastagi mein

chubh rahī hai añdherī raat mujhe

har sitāra bujhā.e baiThī huuñ

chubh rahi hai andheri raat mujhe

har sitara bujhae baiThi hun

aa.ine par to hai bharosā mujhe

us se kyuuñ muñh chhupā.e baiThī huuñ

aaine par to hai bharosa mujhe

us se kyun munh chhupae baiThi hun

shaam khultī hai tere aane se

lab pe terā savāl rakhtī hai

sham khulti hai tere aane se

lab pe tera sawal rakhti hai

Dūbne kī na tairne kī ḳhabar

ishq-dariyā meñ bas utar dekhūñ

Dubne ki na tairne ki KHabar

ishq-dariya mein bas utar dekhun

mujh ko ḳhvāboñ ke baaġh meñ lā kar

ghane jañgal meñ kho rahī hai raat

mujh ko KHwabon ke bagh mein la kar

ghane jangal mein kho rahi hai raat

bām-o-dar par utarne vaalī dhuup

sabz rañg-e-malāl rakhtī hai

baam-o-dar par utarne wali dhup

sabz rang-e-malal rakhti hai

shahzādī ke kānoñ meñ jo baat kahī thī ik tū ne

ba.ad tire vo baat tire hī afsānoñ meñ gūñjtī hai

shahzadi ke kanon mein jo baat kahi thi ek tu ne

baad tere wo baat tere hi afsanon mein gunjti hai