نیند آتی ہی نہیں تھی آگہی کے درد سے

موت نے آغوش میں لے کر سلایا ہے مجھے

چھین لیتی ہے آدمی کا وقار

مفلسی بھی عذاب ہے یارو

مٹ جائے گی وطن سے جہالت کی تیرگی

وہ دیکھ انقلاب کا سورج قریب ہے

اک ماں کے دم سے زیست میں رونق تھی برقرار

اب وہ نہیں تو رونق بزم جہاں نہیں

مذہب سے اس کے دل میں نہ پیدا ہوا گداز

یہ آدمی تو اور بھی سفاک ہو گیا

برسات مفلسوں کی سدا سے رقیب ہے

کچے مکان گرنے کا موسم عجیب ہے

چھانی ہے خاک ہم نے بہت کوئے یار کی

جعفرؔ اس عاشقی سے کسی کو اماں نہیں

ملا تری اکڑ سے یہ ہونے لگا گمان

جیسے خدا زمیں پہ نمودار ہو گیا

اب عشق میں چھپی ہوئی لالچ ہے دہر کی

مجنوں بھی اس زمانے کا چالاک ہو گیا

تصادم دیکھ کر افکار نو کا جہل دوراں سے

سخن روشن خیالی کا سنانا سخت مشکل ہے

یہ شب غم یہ میری تنہائی

اس رفاقت کا کون ثانی ہے