niiñd aatī hī nahīñ thī āgahī ke dard se

maut ne āġhosh meñ le kar sulāyā hai mujhe

nind aati hi nahin thi aagahi ke dard se

maut ne aaghosh mein le kar sulaya hai mujhe

chhīn letī hai aadmī kā vaqār

muflisī bhī 'azāb hai yaaro

chhin leti hai aadmi ka waqar

muflisi bhi 'azab hai yaro

mullā tirī akaḌ se ye hone lagā gumān

jaise ḳhudā zamīñ pe numūdār ho gayā

mulla teri akaD se ye hone laga guman

jaise KHuda zamin pe numudar ho gaya

ik maañ ke dam se ziist meñ raunaq thī barqarār

ab vo nahīñ to raunaq-e-bazm-e-jahāñ nahīñ

ek man ke dam se zist mein raunaq thi barqarar

ab wo nahin to raunaq-e-bazm-e-jahan nahin

barsāt muflisoñ kī sadā se raqīb hai

kachche makān girne kā mausam 'ajīb hai

barsat muflison ki sada se raqib hai

kachche makan girne ka mausam 'ajib hai

maz.hab se us ke dil meñ na paidā huā gudāz

ye aadmī to aur bhī saffāk ho gayā

mazhab se us ke dil mein na paida hua gudaz

ye aadmi to aur bhi saffak ho gaya

chhānī hai ḳhaak ham ne bahut kū-e-yār kī

'jā’far' is 'āshiqī se kisī ko amaañ nahīñ

chhani hai KHak hum ne bahut ku-e-yar ki

'ja’far' is 'ashiqi se kisi ko aman nahin

ab 'ishq meñ chhupī huī lālach hai dahr kī

majnūñ bhī is zamāne kā chālāk ho gayā

ab 'ishq mein chhupi hui lalach hai dahr ki

majnun bhi is zamane ka chaalak ho gaya

ye shab-e-ġham ye merī tanhā.ī

is rifāqat kā kaun saanī hai

ye shab-e-gham ye meri tanhai

is rifaqat ka kaun sani hai

tasādum dekh kar afkār-e-nau kā jahl-e-daurāñ se

suḳhan raushan-ḳhayālī kā sunānā saḳht mushkil hai

tasadum dekh kar afkar-e-nau ka jahl-e-dauran se

suKHan raushan-KHayali ka sunana saKHt mushkil hai

miT jā.egī vatan se jahālat kī tīrgī

vo dekh inqalāb kā sūraj qarīb hai

miT jaegi watan se jahaalat ki tirgi

wo dekh inqalab ka suraj qarib hai