jāntā us ko huuñ davā kī tarah

chāhtā us ko huuñ shifā kī tarah

jaanta us ko hun dawa ki tarah

chahta us ko hun shifa ki tarah

kyā jāneñ un kī chaal meñ e.ajāz hai ki sehr

vo bhī unhīñ se mil ga.e jo the hamāre log

kya jaanen un ki chaal mein eajaz hai ki sehr

wo bhi unhin se mil gae jo the hamare log

TūTeñ vo sar jis meñ terī zulf kā saudā nahīñ

phūTeñ vo āñkheñ ki jin ko diid kā lapkā nahīñ

TuTen wo sar jis mein teri zulf ka sauda nahin

phuTen wo aankhen ki jin ko did ka lapka nahin

ḳhuub mil kar gale se ro lenā

is se dil kī safā.ī hotī hai

KHub mil kar gale se ro lena

is se dil ki safai hoti hai

yā us se javāb-e-ḳhat laanā yā qāsid itnā kah denā

bachne kā nahīñ bīmār tirā irshād agar kuchh bhī na huā

ya us se jawab-e-KHat lana ya qasid itna kah dena

bachne ka nahin bimar tera irshad agar kuchh bhi na hua

thoḌī taklīf sahī aane meñ

do ghaḌī baiTh ke uTh jā.iyegā

thoDi taklif sahi aane mein

do ghaDi baiTh ke uTh jaiyega

mujhe ab maut behtar zindagī se

vo kī tum ne sitamgārī ki tauba

mujhe ab maut behtar zindagi se

wo ki tum ne sitamgari ki tauba

kī kisī par na jafā mere ba.ad

ḳhuub ro.e vo sunā mere ba.ad

ki kisi par na jafa mere baad

KHub roe wo suna mere baad

khulī jo aañkh mirī sāmnā qazā se huā

jo aañkh band huī sābiqa ḳhudā se huā

khuli jo aankh meri samna qaza se hua

jo aankh band hui sabiqa KHuda se hua

ishq ke phande se bachiye ai 'haqīr'-e-ḳhasta-dil

is kā hai āġhāz shīrīñ aur hai anjām talḳh

ishq ke phande se bachiye ai 'haqir'-e-KHasta-dil

is ka hai aaghaz shirin aur hai anjam talKH

chaar din kī bahār hai saarī

ye takabbur hai yār-e-jānī hech

chaar din ki bahaar hai sari

ye takabbur hai yar-e-jaani hech

chhā ga.ī ek musībat kī ghaTā chaar taraf

khule bāloñ jo vo dariyā se nahā kar nikle

chha gai ek musibat ki ghaTa chaar taraf

khule baalon jo wo dariya se naha kar nikle

band-e-qabā pe haath hai sharmā.e jaate haiñ

kamsin haiñ zikr-e-vasl se ghabrā.e jaate haiñ

band-e-qaba pe hath hai sharmae jate hain

kamsin hain zikr-e-wasl se ghabrae jate hain

sāqiyā aisā pilā de mai kā mujh ko jaam talḳh

zindagī dushvār ho aur ho mujhe ārām talḳh

saqiya aisa pila de mai ka mujh ko jam talKH

zindagi dushwar ho aur ho mujhe aaram talKH

but ko pūjūñgā sanam-ḳhānoñ meñ jā jā ke to maiñ

us ke pīchhe mirā īmān rahe yā na rahe

but ko pujunga sanam-KHanon mein ja ja ke to main

us ke pichhe mera iman rahe ya na rahe

haqārat kī nigāhoñ se na farsh-e-ḳhāk ko dekho

amīroñ kā faqīroñ kā yahī āḳhir ko bistar hai

haqarat ki nigahon se na farsh-e-KHak ko dekho

amiron ka faqiron ka yahi aaKHir ko bistar hai

dekhā baġhaur aib se ḳhālī nahīñ koī

bazm-e-jahāñ meñ sab haiñ ḳhudā ke sañvāre log

dekha baghaur aib se KHali nahin koi

bazm-e-jahan mein sab hain KHuda ke sanware log

ba-ḳhudā sajde karegā vo biThā kar but ko

ab 'haqīr' aage musalmān rahe yā na rahe

ba-KHuda sajde karega wo biTha kar but ko

ab 'haqir' aage musalman rahe ya na rahe

yak-ba-yak tark na karnā thā mohabbat mujh se

ḳhair jis tarah se aatā thā vo aatā jaatā

yak-ba-yak tark na karna tha mohabbat mujh se

KHair jis tarah se aata tha wo aata jata

but-kade meñ bhī gayā ka.abe kī jānib bhī gayā

ab kahāñ DhūñDhne tujh ko tirā shaidā jaatā

but-kade mein bhi gaya kabe ki jaanib bhi gaya

ab kahan DhunDhne tujh ko tera shaida jata

kyuuñ na ka.abe ko kahūñ allāh kā aur but kā ghar

vo bhī mere dil meñ hai aur ye bhī mere dil meñ hai

kyun na kabe ko kahun allah ka aur but ka ghar

wo bhi mere dil mein hai aur ye bhi mere dil mein hai

jab se kuchh qaabū hai apnā kākul-e-ḳhamdār par

saañp har dam loTtā hai sīna-e-aġhyār par

jab se kuchh qabu hai apna kakul-e-KHamdar par

sanp har dam loTta hai sina-e-aghyar par