us ajnabī se haath milāne ke vāste

mahfil meñ sab se haath milānā paḌā mujhe

us ajnabi se hath milane ke waste

mahfil mein sab se hath milana paDa mujhe

hasīn yādoñ ke chāñd ko alvidā.a kah kar

maiñ apne ghar ke añdhere kamroñ meñ lauT aayā

hasin yaadon ke chand ko alwidaa kah kar

main apne ghar ke andhere kamron mein lauT aaya

mohabbat meñ kaThin raste bahut āsān lagte the

pahāḌoñ par suhulat se chaḌhā karte the ham donoñ

mohabbat mein kaThin raste bahut aasan lagte the

pahaDon par suhulat se chaDha karte the hum donon

mujh ko ma.alūm thā ik roz chalā jā.egā!

vo mirī umr ko yādoñ ke havāle kar ke

mujh ko malum tha ek roz chala jaega!

wo meri umr ko yaadon ke hawale kar ke

kabhī jo āñkhoñ ke aa gayā āftāb aage

tire tasavvur meñ ham ne kar lī kitāb aage

kabhi jo aankhon ke aa gaya aaftab aage

tere tasawwur mein hum ne kar li kitab aage

aaj terī yaad se Takrā ke TukḌe ho gayā

vo jo sadiyoñ se luḌhaktā ek patthar mujh meñ thā

aaj teri yaad se Takra ke TukDe ho gaya

wo jo sadiyon se luDhakta ek patthar mujh mein tha

nisbateñ thiiñ ret se kuchh is qadar

bādaloñ ke shahr meñ pyāsā rahā

nisbaten thin ret se kuchh is qadar

baadalon ke shahr mein pyasa raha

ḳhafā ho mujh se to apne andar

vo bārishoñ ko utārtī hai

KHafa ho mujh se to apne andar

wo barishon ko utarti hai

ik parinde kī tarah uḌ gayā kuchh der huī

aks us shaḳhs kā tālāb meñ aayā huā thā

ek parinde ki tarah uD gaya kuchh der hui

aks us shaKHs ka talab mein aaya hua tha

vo ba.ad-e-muddat milā to rone kī aarzū meñ

nikal ke āñkhoñ se gir paḌe chand ḳhvāb aage

wo baad-e-muddat mila to rone ki aarzu mein

nikal ke aankhon se gir paDe chand KHwab aage